1Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.
2Ngoba phela lathi satshunyayezwa indaba ezinhle njengabo; kodwa ilizwi abalizwayo kalibasizanga bona, lokhu lingahlangananga lokukholwa kulabo abalizwayo.
3Ngoba thina esikholwayo siyangena ekuphumuleni kwakhe njengokutsho kwakhe ukuthi:
Njengoba ngifungile ekuthukutheleni kwami,
kabazukungena ekuphumuleni kwami.
Kanti imisebenzi kaNkulunkulu yayiqediwe kusukela ekudatshulweni komhlaba.
8Ngoba uba uJoshuwa wayebaphumuzile, uNkulunkulu wayengayikukhuluma emva kwalokho ngolunye usuku.Dute 31:7; Josh 22:4
9Ngakhoke kubalindele abantu bakaNkulunkulu ukuphumula kweSabatha;
10ngoba ongenileyo ekuphumuleni kukaNkulunkulu laye uyaphumula emisebenzini yakhe njengoNkulunkulu.Gen 2:2
11Ngakhoke asikhuthalele ukungena kulokhokuphumula, ukuze kungawi loyedwa ngalesisibonelo sokungalaleli.
12Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.
13Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.
UKristu ungumpristi omkhulu kakhulu14Ngakhoke lokhu silompristi omkhulu kakhulu odlule emazulwini, uJesu iNdodana kaNkulunkulu, asibambelele kuso isivumo sethu.
15Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono.
16Ngakhoke asisondele ngesibindi esihlalweni somusa ukuba samukeliswe isihawu, sizuze umusa wokusisiza ngesikhathi esifaneleyo.
Who We AreWhat We EelieveWhat We Do
2025 by iamachristian.org,Inc All rights reserved.
