1INkosi yasisithi kuJoshuwa:Nani 35:6–32; Dute 4:41–43; 19:1–13
2Khuluma kwabakoIsrayeli uthi: Misani imizi yokuphephela engakhuluma ngayo kini ngoMose
3ukuba umbulali obulala umuntu ngesiphosiso kungesikho ngabomu abalekele khona; izakuba yisiphephelo kini kumphindiseli wegazi.
4Obalekela komunye walimizi uzakuma esangweni lomuzi, alandise indaba yakhe kwabadala balowomuzi; bona bazamngenisa phakathi komuzi, bamnike indawo ahlale labo.
5Uba umphindiseli wegazi exotshana laye, kabayikumnikela umbulali esandleni sakhe, ngoba engabulalanga umakhelwane wakhe ngabomu, ebekade engamzondi.
6Uzahlala kulowomuzi kuze kuthethwe icala lakhe ebandleni. Ekufeni kompristi omkhulu walesosikhathi angabuyela emzini wakibo lapho abaleka khona.
7Basebemisa iKedeshi eGalili ezintabeni zakoNafitali, leShekema ezintabeni zakoEfrayimi, leKiriyathi‐Arba okutsho iHebroni ezintabeni zakoJuda.
8Ngaphetsheya kweJordani ngasempumalanga kweJeriko bakhetha esizweni sakoRubeni iBezeri elisemagcekeni enkangala, esizweni sakoGadi bakhetha iRamothi eGileyadi, esizweni sakoManase bakhetha iGolani eBashani.
9Yiyo le imizi eyayikhethelwe bonke abakoIsrayeli labezizweni abahlala phakathi kwabo, ukuba obulala umuntu ngesiphosiso abalekele khona, ukuze angabulawa ngumphindiseli wegazi, aze eme phambi kwebandla.
Who We AreWhat We EelieveWhat We Do
2025 by iamachristian.org,Inc All rights reserved.
