1Kwasekusondela inhloko zezindlu zamadodana kaGileyadi kaMakiri kaManase, abosendo lwamadodana kaJosefa, zakhuluma phambi kukaMose laphambi kwezikhulu zezindlu zabakoIsrayeli,
2zathi: INkosi yalilaya ukuba labele abakoIsrayeli ilizwe ngenkatho; futhi yalilaya ukuba linike amadodakazi omfowethu uZelofehadi ilifa lakhe.Nani 27:7
3Kodwa uba amadodakazi esendela emadodaneni ezinye izizwe zabakoIsrayeli, ilifa lawo lizakususwa elifeni labobaba, lengezelelwe elifeni lalesosizwe endele kuso; ngalokhu ilifa lethu lizakuncipha.
4Nxa kufika umnyaka weJubili wabakoIsrayeli, ilifa lawo lizakwengezelelwa elifeni lalesosizwe endele kuso, ilifa lawo lisuswe elifeni lesizwe sabobaba.
5UMose walaya abakoIsrayeli njengelizwi leNkosi wathi: Isizwe samadodana kaJosefa sikhulume kuhle.
6Yilokhu iNkosi ekulaye mayelana lamadodakazi kaZelofehadi isithi: Kawendele kulabo abathandayo, kodwa kawendele osendweni lwesizwe sakibo.
7Ilifa labakoIsrayeli kalingasuswa kwesinye isizwe linikwe esinye, kodwa omunye lomunye wabakoIsrayeli uzakugcina ilifa lesizwe sakibo.
8Yileyo laleyo indodakazi elelifa esizweni sabakoIsrayeli izakwendela endodeni yesizwe sakibo, ukuba omunye lomunye wabakoIsrayeli alidle ilifa labokhokho bakhe.
9Ngakho ilifa kaliyikususwa kwesinye isizwe linikwe esinye, kodwa yileso lalesosizwe sabakoIsrayeli sizakugcina ilifa laso.
10Amadodakazi kaZelofehadi enza njengokutsho kweNkosi kuMose;
11ngoba amadodakazi kaZelofehadi, oMahla loTiriza loHogila loMilka loNowa endela emadodaneni abafowabo bakayise.
12Endela kwabosendo lwamadodana kaManase indodana kaJosefa, ilifa lawo lahlala esizweni sikayise.
13Yiyo leyomilayo lezimiso iNkosi eyalaya abantu bakoIsrayeli ngazo ngoMose emagcekeni aseMowabi ngaseJordani eduze leJeriko.
Who We AreWhat We EelieveWhat We Do
2025 by iamachristian.org,Inc All rights reserved.
