Hubo 141 - Ndebele Bible (iBhayibhili Elingcwele) 1978

Umkhuleko wokucela ukuvikelwa kwababi

1Nkosi, ngiyakhuleka kuwe; phangisa uze kimi;

lalela ilizwi lami lapho ngikhuleka kuwe.

2Umkhuleko wami kawube njengempepha phambi kwakho,

lokuphakanyiswa kwezandla zami kube njengomnikelo wakusihlwa.

3Nkosi, bekela umlomo wami umlindi,

gcina umnyango womlomo wami.

4Ungaphenduleli inhliziyo yami entweni embi,

ukuba ngenze izenzo ezimbi kanye leqembu labantu abenza okubi,

ngingadli okumnandi kwabo.

5Olungileyo kangitshaye, kuzakuba ngumusa kimi;

kodwa ikhanda lami kaliyikugcotshwa ngamagcobo ababi.

Umkhuleko wami umelana lezenzo zabo ezimbi.

6Lapho abahluleli babo bephoselwa ngaphansi eliweni,

ng’khona abantu bazakwazi ukuba ilizwi leNkosi liqinisile.

7Njengenkuni umuntu azibanda ziwele emhlabathini,

ngokunjalo amathambo abo azakuchithekela emlonyeni wendawo yabafileyo.

8Kodwa amehlo ami akhangele kuwe, Nkosi Nkulunkulu;

kuwe ngiyadinga isiphephelo;

ungangitshiyi ngize.

9Ngivikela emjibileni abangithiya ngawo,

emjibileni wababi.

10Ababi kabawele emambuleni abo,

mina ngiphunyuke kuwo.