1Ngalesosikhathi uAbija indodana kaJerobowamu wagula.
2UJerobowamu wathi kumkhake: Akusuke uzifihle ukuze kungaziwa ukuthi ungumkami, uye eShilo; kukhona lapho umprofethi uAhija owangitshela ukuthi ngizakuba yinkosi yalababantu,
3uthathe izinkwa ezilitshumi lamaqebelengwana lodiwo lwenyosi uye kuye, yena uzakukutshela okuzakwenzakala kulumntwana.
4UmkaJerobowamu wasesenza njalo, wasuka waya eShilo, wafika emzini kaAhija. UAhija wayengasaboni ngoba amehlo akhe ayesefiphele ngenxa yobudala.
5INkosi uNkulunkulu yasisithi kuAhija: Nangu umkaJerobowamu ezebuza ngendodana yakhe egulayo. Uzamtshela lokhu lalokhu. Lapho umkaJerobowamu efika, wazitshaya omunye owesifazana.
6Kodwa lapho uAhija esizwa izisinde zakhe lapho esondela emnyango wathi: Ngena wena mkaJerobowamu; kungani uzitshaya omunye na? Ngoba ngithwaliswe zindaba ezinzima ngawe.
7Hamba uyemtshela uJerobowamu uthi: INkosi, uNkulunkulu kaIsrayeli, ithi: Ngakuphakamisa ebantwini, ngakwenza umbusi wabantu bami uIsrayeli,
8ngahluthuna umbuso endlini kaDavida, ngawunika wena; kodwa kawubanga njengenceku yami uDavida owagcina imilayo yami, wangilandela ngenhliziyo yonke esenza okuhle kuphela phambi kwami;
9wena wenzile okubi ukwedlula bonke ababekhona ngaphambi kwakho, uzenzele abanye onkulunkulu lezithombe ezikhandiweyo, wangithukuthelisa, wangifulathela.
10Ngakhoke ngizakuyehlisela okubi indlu kaJerobowamu, ngiqede bonke abesilisa abayizigqili labakhululekileyo koIsrayeli, ngihugule indlu kaJerobowamu njengomuntu ehugula umquba uze uphele.
25Ngomnyaka wesihlanu wokubusa kwenkosi uRehobowamu uShishaki inkosi yaseGibithe wahlasela iJerusalema,2 Lan 12:2–8
26wathumba inotho yethempeli lenotho yesigodlo senkosi, wakuthatha konke, wathatha lazo zonke izihlangu zegolide uSolomoni ayezenzile.1 Kho 10:16–17; 2 Lan 9:15–16
27Inkosi uRehobowamu yenza endaweni yazo izihlangu zethusi, yazinikela ezandleni zezinduna zabalindi ababelinda umnyango wesigodlo senkosi.
28Izikhathi zonke zokuya kwenkosi ethempelini abalindi babezisa khona, babuye bazibuyisele endlini yabalindi.
29Ezinye indaba zikaRehobowamu lakho konke akwenzayo kulotshiwe ogwalweni lwezindaba zamakhosi akoJuda.
30Kwakukhona njalonjalo impi phakathi kukaRehobowamu loJerobowamu.
31uRehobowamu waya kwabaphansi, wangcwatshwa kuboyise emzini kaDavida. Ibizo likanina lalinguNahama umAmoni. UAbijamu indodana yakhe waba yinkosi esikhundleni sakhe.
Who We AreWhat We EelieveWhat We Do
2025 by iamachristian.org,Inc All rights reserved.
