Hubo 6 - Ndebele Bible (iBhayibhili Elingcwele) 1978

Umkhuleko wokucela umusa ngesikhathi sokuhlupheka

1Nkosi, ungangikhuzi ngokuthukuthela kwakho,

ungangitshayi ngolaka lwakho.

2Woba lomusa kimi, Nkosi, ngoba ngibuthakathaka.

Nkosi, ngisilisa, ngoba amathambo ami ayaqaqamba;

3lomphefumulo wami ukhathazekile kakhulu.

Kodwa, wena Nkosi, uzakulibala kuze kube nini na?

4Buya, Nkosi, silisa ukuphila kwami;

ungisilise ngenxa yothando lwakho olungapheliyo.

5Ngoba kakukho ukukukhumbula wena ekufeni;

ngubani ongakubonga endaweni yabafileyo na?

6Ngikhathele yikububula kwami;

ngithambisa icansi lami njalo ebusuku ngokukhala,

ngithambise umbheda ngezinyembezi zami.

7Ilihlo lami liyafiphala ngenxa yosizi,

liyanqundeka ngenxa yezitha zami zonke.

8Sukani kimi, lina lonke elenza okubi,

ngoba iNkosi izwile ilizwi lokukhala kwami.

9INkosi izwile ukunxusa kwami;

izakwamukela umkhuleko wami.

10Zonke izitha zami zizakuyangeka, zitshaywe luvalo kakhulu;

zizakuhlehla, ziyangeke ngesikhatshana.