Mark 6 - Ndebele Bible (iBhayibhili Elingcwele) 1978

UJesu udelelwa ngabaseNazaretha(Mat 13:53–58; Luka 4:16–30)

1Wasuka lapho, waya elizweni lakubo; abafundi bakhe bamlandela.

2Sekufikile iSabatha, waqala ukufundisa esinagogeni. Abanengi abamuzwayo bamangala bathi: Uzithatha ngaphi lezizinto na? Yikuhlakanipha bani akunikiweyo na? Lemisebenzi yamandla eyenziwe ngezandla zakhe na?

3Lo kasuye umbazi, indodana kaMariya, lomfowabo kaJakobe loJose loJudasi loSimoni na? Labodadewabo kabakho yini lapha kithi? Bakhubeka ngaye.

4UJesu wathi kubo: Umprofethi kasweli ukudunyiswa ngaphandle kwaselizweni lakubo, lasezihlotsheni zakhe, lasendlini yakwabo.Ukubulawa kukaJohane uMbhaphathizi(Mat 14:1–12; Luka 9:7–9)

14Inkosi uHerodi wezwa ngakho, ngoba ibizo likaJesu laselidumile. Kwathiwa uJohane uMbhaphathizi uvukile kwabafileyo; kungakho lamandla esebenza kuye.Mat 16:14; Mark 8:28; Luka 9:19

15Abanye bathi: NguElija; labanye bathi: Ungumprofethi njengomunye wabaprofethi.

16Kodwa uHerodi esizwa wathi: NguJohane engamquma ikhanda, uvukile.

17Ngoba uHerodi wayethumele wambamba uJohane, wamfaka entolongweni ngenxa kaHerodiyasi umkaFiliphu umfowabo, ngoba wayemthethe.Luka 3:19–20

18Ngoba uJohane wayethe kuHerodi: Kawuvunyelwa ukuthatha umkamfowenu.

19Ngakho uHerodiyasi wambambela inhliziyo, wafuna ukumbulala; kodwa wehluleka,

20ngoba uHerodi wayemesaba uJohane emazi ukuba uyindoda elungileyo lengcwele, wamlondoloza; nxa emuzwa, wadideka kakhulu, kodwa wamuzwa ngokuthokoza.

21Kwathi sekufikile usuku oluhle, olokuzalwa kukaHerodi, wenzela idili izikhulu zakhe, lezinduna, labalisa baseGalili;

22kwangena indodakazi kaHerodiyasi, yasina, yamkholisa uHerodi lalabo ababehlezi laye. Inkosi yathi entombini: Cela kimi loba kuyini okuthandayo, ngizakupha khona.

23Wafunga kuyo wathi: Loba kuyini ongakucela kimi ngizakukunika khona, loba kungaze kube yingxenye yombuso wami.

24Yaphuma, yaya kunina yathi: Ngizakucelani na? Wathi: Ikhanda likaJohane uMbhaphathizi.

25Yangena masinyane enkosini ngokukhawuleza, yacela yathi: Ngifuna ukuba unginike khathesinje emganwini ikhanda likaJohane uMbhaphathizi.

26Inkosi yadabuka kakhulu, kodwa ngenxa yezifungo zayo langalabo ababehlezi layo kayithandanga ukuyilandulela.

27Inkosi yathuma masinyane omunye webutho, yamlaya ukuba alethe ikhanda likaJohane. Wahamba, wamquma ikhanda entolongweni.

28Waletha ikhanda ngomganu, walinika intombi, intombi yalinika unina.

29Kwathi abafundi bakhe sebezwile, beza bathatha isidumbu sakhe basibeka elibeni.

UJesu usuthisa amadoda azinkulungwane ezinhlanu(Mat 14:13–21; Luka 9:10–17; Joha 6:1–13)

30Abaphostoli babuthana kuJesu, bambikela konke ababekwenzile lababekufundisile.

31Wasesithi kibo: Wozani lina lodwa endaweni eyinkangala, liphumule kancinyane. Ngoba babebanengi abafikayo labahambayo, bengelasikhathi sokudla.

32Bakhuphuka ngomkolo, baya endaweni eyinkangala bebodwa.

33Abanengi bababona behamba, babazi, bagijimela khona ngenyawo, bevela emizini yonke, babafikela kuqala.

34Kwathi ephuma, wabona ixuku elikhulu, walihawukela, ngoba lalinjengezimvu ezingelamalusi; waqala ukulifundisa izinto ezinengi.Nani 27:17; 1 Kho 22:17; 2 Lan 18:16; Hez 34:5; Zek 10:2; Mat 9:36

35Kwathi isikhathi sesihambile, abafundi bakhe beza kuye, bathi: Lindawo iyinkangala, lesikhathi sesihambile;

36badabulele ukuze baye emaphandleni lasemizini ezingelezileyo, bazithengele ukudla.

37Wabaphendula wathi kibo: Banikeni lina ukudla. Bathi kuye: Sihambe yini, siyethenga izinkwa zamadola angamatshumi amabili, sibaphe badle na?

38Wathi kubo: Lilezinkwa ezingaki na? Hambani liyebona. Sebebonile bathi kuye: Zinhlanu, lenhlanzi ezimbili.

39Wabalaya ukuba bonke bahlale phansi ngamaxuku otshanini obuluhlaza.

40Basebehlala phansi izigaba ngezigaba, ngamakhulu langamatshumi amahlanu.

41Wathatha izinkwa ezinhlanu lenhlanzi ezimbili, ekhangela ezulwini, wabonga, wazihlephula izinkwa, wazinika abafundi bakhe ukuba bazibeke phambi kwabo; lenhlanzi ezimbili wababela bonke.

42Badla bonke, basutha.

43Babutha imvuthuluka yezinkwa, izitsha ezilitshumi lambili zagcwala, leyenhlanzi.

44Labo abadlayo izinkwa babengamadoda azinkulungwane ezinhlanu.

UJesu uhamba phezu kolwandle(Mat 14:22–27; Joha 6:16–21)

45Masinyane wacindezela abafundi bakhe ukuba bangene emkolweni bamandulele ukuya ngaphetsheya eBetsayida, esadabulela ixuku.

46Esebavalelisile wasuka waya entabeni ukuyakhuleka.

47Sekuhlwile, umkolo wawusolwandle, yena wayeyedwa emhlabathini.

48Wababona behlupheka kakhulu ekugwedleni, ngoba umoya wawuphambene labo; weza kubo ngesikhathi somlindo wesine wobusuku ehamba phezu kolwandle. Wayezakubadlula.

49Sebembonile ehamba phezu kolwandle, bacabanga ukuba yisipuku; bakhala.

50Ngoba bambona bonke, bethuka. Kodwa wakhuluma labo masinyane, wathi kubo: Manini isibindi; yimi, lingesabi.

51Wasengena kubo emkolweni, umoya wathula; bamangala kakhulu.

52Ngoba babengaqedisisanga ngezinkwa, inhliziyo zabo zazilukhuni.

UJesu usilisa elizweni laseGenesaretha(Mat 14:34–36)

53Sebewelile bafika eGenesaretha, bawubophela umkolo okhunjini.

54Bathi sebephumile emkolweni, abantu bahle bamazi,

55bagijimela kulo lonke lelolizwe, baqala ukuletha kuye abagulayo ngamathala, lapho abamuzwa ukuba ukhona.

56Loba ngaphi lapho aya khona, emizaneni lasemizini lasemaphandleni, babeka abagulayo emidangeni, bamncenga ukuba bathinte loba umphetho wengubo yakhe nje; bonke abamthintayo basiliswa.