1 Pet 3 - Ndebele Bible (iBhayibhili Elingcwele) 1978

Ukuphathana kwabathetheneyo

1Ngokunjalo lani bafazi, zehliseleni ngaphansi kwamadoda enu, ukuze kuthi, uba ekhona ongakholwayo ilizwi, azuzwe ngaphandle kokukhuluma ngenxa yokuhamba kwabafazi bawo,Ukuhamba ngokubekezela ekuhluphekeni

8Okokucina, wobani lanhliziyonye lonke, lizwelane, lithande abazalwane, libe lobubele lokuthobeka,

9lingaphindiseli okubi ngokubi lokuthuka ngokuthuka, kodwa ikakhulu busisani, ngoba labizelwa khona lokho ukuba lidle ilifa lokubusiswa.

10Ngoba kuthiwa:

Lowo othanda ukuphila lokubona insuku ezinhle

kanqande ulimi lwakhe kokubi,

lomlomo wakhe ungakhulumi inkohliso;

11kasuke kokubi enze okuhle,

adinge ukuthula, akunxwanele;

12ngoba amehlo eNkosi akubo abalungileyo,

lezindlebe zayo zilalela ukukhuleka kwabo,

kodwa imelana labenza okubi.

13Pho, ngubani ongalilimaza, uba litshisekela okuhle na?

14Kodwa uba lihlupheka ngenxa yokulunga, lizakubusiswa. Lingabesabi, likhathazeke,Mat 5:10; Isa 8:12, 13

15kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;

16libe lesazela esihle, ukuze kuthi lapho belihleba, labo abathuka ukuhamba kwenu kuKristu bayangeke.

17Ngoba kuhle ukuhlupheka ngenxa yokwenza okuhle, uba lokho kuyintando kaNkulunkulu, kulokuhlupheka ngenxa yokwenza okubi.

18Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,

19ahamba ngawo ukutshumayeza imimoya esekubotshweni

20eyababekade bengalaleli, lapho uNkulunkulu ngokubekezela ebalindele ensukwini zikaNowa umkolo usakhiwa, okwasiliswa abayingcosana ngawo amanzi, okuyikuthi abantu abaficaminwembili.Gen 6:1—7:24

21Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,

22osenyukele ezulwini lokhona ngakwesokunene sikaNkulunkulu, osekwehliselwe ngaphansi kwakhe izithunywa leziphathamandla zezulu.