uNehimiya 10 - Ndebele Bible (iBhayibhili Elingcwele) 1978

1Labo abafaka uphawu lwabo kulesisivumelwano babengoNehemiya umbusi indodana kaHakaliya loZedekiya

2loSeraya loAzariya loJeremiya

3loPashuri loAmariya loMalikiya

4loHathushi loShebaniya loMaluki

5loHarimi loMeremothi loObadiya

6loDaniyeli loGinethoni loBaruki

7loMeshulamu loAbija loMijamini

8loMahaziya loBiligayi loShemaya; yilabo abapristi.

9AmaLevi ayengoJeshuwa indodana kaAzaniya, loBinuwi wakoHenadabi, loKadimiyeli,

10labafowabo bengoShebaniya loHodiya loKelita loPelaya loHanani

11loMika loRehobi loHashabiya

12loZakuri loSherebiya loShebaniya

13loHodiya loBani loBeninu.

14Induna zabantu zazingoParoshi loPahathi‐Mowabi loElamu loZathu loBani

15loBuni loAzigadi loBebayi

16loAdonija loBigivayi loAdini

17loAteri loHezekiya loAzuri

18loHodiya loHashuma loBezayi

19loHarafi loAnathothi loNebayi

20loMagipiyashi loMeshulamu loHeziri

21loMeshezabeli loZadoki loJaduwa

22loPelatiya loHanani loAnaya

23loHosheya loHananiya loHashubi

24loHaloheshi loPiliha loShobeki

25loRehuma loHashabina loMahaseya

26loAhiya loHanani loAnani

27loMaluki loHarimi loBahana.

28Abantu abaseleyo abangabapristi lamaLevi labalindi bamasango labahlabeleli lezinceku zasethempelini labo bonke abazahlukanisayo ebantwini bezizwe ukuba bagcine umlayo kaNkulunkulu, labomkabo lamadodana abo lamadodakazi abo, labo bonke abantwana abaqedisisayo,

29bazihlanganisa labakibo, izikhulu zabo, bazibopha ngesifungo sokuhamba ngomlayo kaNkulunkulu owanikwa ngoMose inceku kaNkulunkulu, lokuyigcina bayenze yonke imilayezelo yeNkosi yethu lemithetho yayo lezimiso zayo.

30Kasiyikwendisela abantu balelilizwe amadodakazi ethu loba sithathele amadodana ethu amadodakazi abo.

32Futhi siyazimisela ukukhupha iminyaka yonke ingxenye yesithathu yeshekeli ibe ngeyomsebenzi wendlu kaNkulunkulu wethu,Eks 30:11–16

33leyesinkwa esahlukaniselwe uNkulunkulu, leyomnikelo wempuphu wensuku zonke, leyomnikelo wokutshiswa wensuku zonke, leyamaSabatha, leyokuthwasa kwenyanga, leyemikhosi emisiweyo, leyeziphiwo ezingcwele, leyeminikelo yesono ukwenzela uIsrayeli ukubuyisana, leyawo wonke umsebenzi wendlu kaNkulunkulu.

34Thina abapristi lamaLevi labantu senzile inkatho mayelana lenkuni zeminikelo ukuba zilethwe endlini kaNkulunkulu wethu yizindlu zonke ngokuzophisana, ngezikhathi ezimisiweyo iminyaka ngeminyaka, zibaswe phezu kwealtare likaNkulunkulu wethu njengokulotshiweyo emlayweni.

35Siyazimisela ukuletha izithelo zokuqala zomhlaba wethu lezithelo zokuqala zezihlahla zonke ethempelini iminyaka ngeminyaka;Eks 23:19; 34:26; Dute 26:2

36lokuletha kubapristi abasebenzayo kulo amadodana ethu angamazibulo lamazibulo ezifuyo zethu, njengoba kulotshiwe emlayweni, lamazibulo emihlambi yethu, awezinkomo lezimvu;Eks 13:2

37silethe lenhlama yethu yokuqala, lezithelo zezihlahla zonke, lewayini lamafutha kubapristi eziphaleni zendlu kaNkulunkulu wethu; silethe lakumaLevi okwetshumi okuvela emasimini ethu, ngoba yiwo amaLevi aqoqa okwetshumi emizini yethu yonke esemaphandleni.Nani 18:21

38Umpristi wozalo lukaAroni uzakuba lamaLevi lapho esamukela okwetshumi. AmaLevi azakungenisa okwetshumi kwalokho endlini kaNkulunkulu wethu eziphaleni zayo.Nani 18:26

39AbakoIsrayeli lamaLevi bazakuletha umnikelo wamabele lewayini lamafutha ezindlini lapho kulondolozwa khona izitsha zethempeli, lalapho abapristi abaphatha umsebenzi labalindi bamasango labahlabeleli bahlala khona. Kasiyikuyivilaphela indlu kaNkulunkulu wethu.