Mat 15 - Ndebele Bible (iBhayibhili Elingcwele) 1978

AbaFarisi lababhali basolwa ngenxa yezimiso zabo(Mark 7:1–23)

1Kwasekufika kuJesu abaFarisi lababhali bevela eJerusalema, bathi:

2Kungani ukuba abafundi bakho baphule isiko labadala na? Ngoba kabagezi izandla nxa besidla.

3Wabaphendula wathi: Lanike kungani lisaphula umlayo kaNkulunkulu ngenxa yesiko lenu na?

4Ngoba uNkulunkulu walaya wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa.

9bangikhonza ngeze,

befundisa izifundiso eziyimilayo yabantu.

10Wasebiza abantu wathi kubo: Lalelani, liqedisise.

11Kakusikho okungena emlonyeni okungcolisa umuntu; kodwa okuphuma emlonyeni yikho okungcolisa umuntu.

12Abafundi bakhe basebesondela bathi kuye: Uyazi ukuthi abaFarisi bathe ukulizwa lelolizwi, bakhubeka na?

13Waphendula wathi: Zonke izihlahlakazana ezingahlanyelwanga nguBaba wasezulwini zizakusitshunwa.

14Bayekeleni; bangabakhokheli abayiziphofu. Alubana isiphofu sikhokhela isiphofu, zizakuwela emgodini zombili.Luka 6:39

15UPetro wasesithi kuye: Sichasisele lumfanekiso.

16Wathi: Kanti lani lisengabangelakuqedisisa na?

17Kaliboni ukuba konke okungena emlonyeni kuya esiswini kusuke kuphumele ngaphandle na?

18Kodwa okuphuma emlonyeni kuvela enhliziyweni; lokhu kuyamngcolisa umuntu.Mat 12:34

19Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

20Yizo lezozinto ezimngcolisayo umuntu; kodwa ukudla ngezandla ezingahlanjululwanga kakumngcolisi muntu.

Owesifazana waseKanani(Mark 7:24–30)

21UJesu wasuka lapho waya elizweni laseTire leSidoni.

22Owesifazana waseKanani wakhala kuye wathi: Nkosi, Ndodana kaDavida, akungihawukele! Indodakazi yami ingenwe ngumoya omubi.

23Kodwa kamphendulanga ngitsho langelizwi nje. Basebesondela kuye abafundi bakhe, bamncenga bathi: Mxotshe, ngoba uyasilandela ekhala.

24Waphendula wathi: Kangithunywanga kwabanye, kuphela kuzo izimvu ezilahlekileyo zendlu yakoIsrayeli.

25Kodwa owesifazana wasondela, waguqa phambi kwakhe, wathi: Nkosi, ngisize.

26UJesu waphendula wathi: Kakukuhle ukuthatha ukudla kwabantwana, kuphoselwe ezinjeni.

27Yena wathi: Yebo, Nkosi, kodwa lezinja ziyadla imvuthuluka ewa etafuleni yabaninizo.

28UJesu wasemphendula esithi: O Mama, kukhulu ukukholwa kwakho! Kakube kuwe njengokufisa kwakho. Indodakazi yakhe yasila kusukela kulesosikhathi.

UJesu usilisa iziguli(Mark 7:31–37)

29UJesu wasuka lapho wadlula ngasolwandle lwaseGalili; wenyukela entabeni, wahlala phansi khona.

30Kweza kuye amaxuku amakhulu eleziqhuli lezingini leziphofu lezimungulu, labanye abanengi; ababeka ngasenyaweni zakhe; wabasilisa,

31baze bamangala abantu bebona izimungulu zikhuluma, lezingini zisilisiwe, leziqhuli zihamba, leziphofu zibona; bamdumisa uNkulunkulu kaIsrayeli.

UJesu usuthisa amadoda azinkulungwane ezine(Mark 8:1–10)

32UJesu wasebabiza abafundi bakhe, wathi: Ngiyalihawukela ixuku ngoba selilami insuku ezintathu, lingelalutho lokudla. Kangithandi ukuba ngibadabulele belambile, funa baphelelwe ngamandla endleleni.

33Abafundi bakhe bathi kuye: Sizakuzuza ngaphi lapha enkangala izinkwa ezinganela ukuba zisuthise ixuku elingaka na?

34UJesu wathi kubo: Lilezinkwa ezingaki na? Bathi: Eziyisikhombisa, lenhlanzana eziyingcosana.

35Walaya ixuku ukuba lihlale phansi.

36Wathatha izinkwa eziyisikhombisa lenhlanzi; esebongile wazihlephula wazinika abafundi bakhe, labafundi bazinika ixuku.

37Bonke badla, basutha; babutha imvuthuluka eseleyo, izitsha eziyisikhombisa zigcwele.

38Labo abadlayo babengamadoda azinkulungwane ezine ngaphandle kwabesifazana labantwana.

39Esedabulele ixuku wangena emkolweni waya emikhawulweni yaseMagadana.