Hubo 81 - Ndebele Bible (iBhayibhili Elingcwele) 1978

Ukungalaleli kukaIsrayeli

1Hubelani kuNkulunkulu ongamandla ethu,

lihlokome ngokuthokoza kuNkulunkulu kaJakobe!

2Hlabelani ingoma, litshaye isigubhu,

lomhubhe okhala mnandi kanye lechacho.

3Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

4Ngoba lokho kuyisimiso kuIsrayeli

lomthetho kaNkulunkulu kaJakobe.

5Wakumisa kwaba yibufakazi kuJosefa,

lapho uNkulunkulu evukela ilizwe laseGibithe.

Ngezwa ilizwi lalowo engingamaziyo, lisithi:

6Ngethula umthwalo ehlombe lakho,

lesandla sakho sayekela ukuthwala isitsha.

7Wakhuleka usekuhluphekeni, ngakukhulula;

ngakuphendula ekusithekeni kokuduma;

ngakuhlola ngasemanzini aseMeriba.

8Zwanini, bantu bami, lapho ngiliqondisa.

Wena Israyeli, kungathi lingalalela!

9Kakungabi khona phakathi kwenu unkulunkulu ongaziwayo,

lingamkhonzi unkulunkulu wezizweni.

10Mina ngiyiNkosi, uNkulunkulu wenu,

owalikhupha elizweni laseGibithe.

Khamisani imilomo yenu, ngizakuyigcwalisa.

11Kodwa abantu bami kabalilalelanga ilizwi lami;

uIsrayeli kazanga angazi.

12Ngasengibayekela enkanini yenhliziyo zabo,

ukuba bahambe ngokuthanda kwabo.

13Kungathi abantu bami bengangilalela,

loIsrayeli ahambe endleleni zami!

14Bengingazinqoba masinyane izitha zabo,

ngiselule isandla sami ngakulabo abamelana labo.

15Labo abayizondayo iNkosi bangatshotshobala phambi kwayo,

ukuba ukutshaywa kwabo kume kuze kube nininini.

16Bengingalipha amabele amahle,

ngilisuthise ngenyosi ezivela edwaleni.