Hubo 127 - Ndebele Bible (iBhayibhili Elingcwele) 1978

Zonke izibusiso zivela eNkosini

1Uba iNkosi ingayakhi indlu,

basebenzela ize abayakhayo.

Uba iNkosi ingawulondolozi umuzi,

kuyize ukulinda komlindi.

2Kuyize kini ukuba livuke ekuseni liphuze ukuphumula,

lidle ukudla kokusebenza nzima;

ngoba iNkosi iyamnika ubuthongo emthandayo.

3Khangelani, amadodana ayisipho esivela eNkosini,

abantwana bangumvuzo ovela kuyo.

4Njengemitshoko esandlweni seqhawe,

anjaloke amadodana obutsha.

5Ilenhlanhla leyondoda esamba sayo sigcwele yona;

kayiyikuyangeka

lapho ikhuluma lezitha zayo enkundleni.