1Kasaziwe ngokuthi siyizisebenzi zikaKristu labaphathi bemfihlakalo zikaNkulunkulu.
2Futhike kufuneka ukuba abaphathi babe ngabathembekileyo.
3Kodwa kimi kuyinto encinyane ukuba ngithonisiswe yini loba ngithonisiswe ngabantu; lami kangizithonisisi.
4Ngoba kangilazi icala engilalo, kodwa kangilungiswa ngalokho; kuyiNkosi engithonisisayo.
5Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.
Ukuzikhukhumeza kwabaseKorinte lokuhlupheka kwabaphostoli6Lokhuke, bazalwane, ngikuqondanise lami loApolosi ngenxa yenu, ukuze lifunde kithi ukuhamba okuvumelana lemibhalo; kakungabi loyedwa phakathi kwenu ozikhukhumezayo ekhetha omunye kulomunye.
7Ngoba ngubani okwenza ukuba wehluke kwabanye na? Kuyini olakho ongakwamukeliswanga na? Kodwa uba wamukelisiwe, uzincomelani ngokungathi yilutho ongalamukeliswanga na?
8Hiya belo! Selisuthi, selinothile, selibusile ngaphandle kwethu; yeboke, kungathi ngabe liyabusa, ukuze lathi sibuse kanye lani!
9Ngoba ngithi uNkulunkulu usimisile thina baphostoli sibe ngabokucina, sibe njengabantu abamiselwe ukufa; ngoba senziwe umbukiso emhlabeni lakuzo izithunywa lasebantwini.
10Thina siyizithutha ngenxa kaKristu, kodwa lina lihlakaniphile kuKristu; thina sibuthathaka, kodwa lina lilamandla; lina liyahlonitshwa, kodwa thina siyadelelwa.
11Kuze kube lamuhla siyalamba, some, sihambeze, sitshaywe, siyimihambima,
12siyatshikatshika sisebenza ngezandla zethu. Sithi sithukwa thina, sibe sibusisa; sithi sizingelwa thina, sibekezele;Seb 18:3
13sithi sinyeywa thina, siphendule kuhle; senziwe amanyala omhlaba, imfucuza yezinto zonke, kuze kube khathesi.
14Kangililobeli lokhu ukuba ngilithele inhloni, kodwa ukuba ngileluleke njengabantwana bami abathandekayo.
15Ngoba lanxa lilabafundisi abayizigidi ezinengi kuKristu, liloyihlo munye kuphela; ngoba mina ngalizala kuKristu Jesu ngevangeli.
16Ngakhoke ngiyalincenga ukuba libe ngabalingisi bami.1 Kor 11:1; Fil 3:17
17Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.
18Abanye bazikhukhumezile kungathi kangisayikuza kini.
19Kodwa ngizakuza kini masinyane, uba iNkosi ivuma, ukuze ngazi, kangitsho ukukhuluma kwalabo abazikhukhumezayo, kodwa amandla abo.
20Ngoba umbuso kaNkulunkulu kawuyi ngokukhuluma, kodwa uya ngamandla.
21Pho, lifunani na? Ngize kini ngiphethe induku, kumbe ngize ngilothando lomoya ochumileyo na?
Who We AreWhat We EelieveWhat We Do
2025 by iamachristian.org,Inc All rights reserved.
