Hubo 15 - Ndebele Bible (iBhayibhili Elingcwele) 1978

Umuntu ongahlala endlini yeNkosi

1Nkosi, ngubani ongahlala endlini yakho na?

Ngubani ongakha entabeni yakho engcwele na?

2Yilowo ohamba ngobuqotho lowenza okulungileyo,

okhuluma iqiniso enhliziyweni yakhe,

3ongahlebiyo ngolimi lwakhe,

ongenzi okubi kumngane wakhe,

longatheli ngehlazo umakhelwana wakhe;

4emehlweni akhe omubi uyenyanyeka,

kodwa uyabazisa labo abayesabayo iNkosi,

elondoloza isifungo sakhe loba elimala ngenxa yaso,

5ongabolekisi imali yakhe ukuze azuze umvuzo,

longamukeli umvuzo ngongelacala.

Owenza lezizinto kayikunyikinywa kuze kube nininini.