1Abantu bakoEfrayimi bahloma, bachapha baya eZafoni bathi kuJefta: Wachaphelani ukuyakulwa lamaAmoni ungasibizanga ukuba sihambe lawe na? Sizakukutshisela endlini.
2UJefta wathi kibo: Mina labantu bami sasilengxabano enkulu lamaAmoni; salibiza, kalisikhululanga ezandleni zabo.
3Kwathi lapho ngibona ukuthi kaliyikusikhulula, ngazifaka engozini, ngachapha ukulwa lamaAmoni, iNkosi yawanikela esandleni sami. Pho, lizeleni kimi lamhla ukulwa lami na?
4UJefta wasebutha bonke abantu baseGileyadi ukulwa labakoEfrayimi; abaseGileyadi babehlula abakoEfrayimi. AbakoEfrayimi babethe: Lingababalekileyo bakoEfrayimi, lina baseGileyadi eliphakathi kwabakoEfrayimi labakoManase.
5AbaseGileyadi bavimbela abakoEfrayimi emazibukweni aseJordani. Kwakusithi lapho omunye wababalekileyo koEfrayimi esithi: Kahle ngichaphe; abaseGileyadi bathi kuye: UngokaEfrayimi na? Lapho esithi: Atshi;
6bathi: Tshono uthi: Shibolethi. Yena athi: Sibolethi; ngoba engelakulibiza kuhle. Basebembamba, bembulala emazibukweni eJordani. Kwafa ngalesosikhathi abakoEfrayimi abazinkulungwane ezingamatshumi amane lambili.
7UJefta waba ngumahluleli koIsrayeli iminyaka eyisithupha. Wasesifa uJefta owaseGileyadi, wamngcatshelwa emzini wakhe eGileyadi.
UIbizani loEloni loAbidoni8Emva kwakhe uIbizani waseBetlehema waba ngumahluleli koIsrayeli.
9Wayelamadodana angamatshumi amathathu lamadodakazi angamatshumi amathathu. Wendisa amadodakazi angamatshumi amathathu, wathathela amadodana akhe izintombi ezingamatshumi amathathu. Waba ngumahluleli koIsrayeli iminyaka eyisikhombisa.
10Wasesifa, wangcwatshelwa eBetlehema.
11Emva kwakhe uEloni waseZebuluni waba ngumahluleli koIsrayeli iminyaka elitshumi.
12Wasesifa, wangcwatshelwa eAjaloni elizweni lakoZebuluni.
13Emva kwakhe uAbidoni indodana kaHileli wasePirathoni waba ngumahluleli koIsrayeli.
14Wayelamadodana angamatshumi amane, lamadodana amadodana akhe angamatshumi amathathu, babegada obabhemi abangamatshumi ayisikhombisa; waba ngumahluleli koIsrayeli iminyaka eficaminwembili.
15Wasesifa, wangcwatshelwa ePirathoni elizweni lakoEfrayimi ezintabeni zamaAmaleki.
Who We AreWhat We EelieveWhat We Do
2025 by iamachristian.org,Inc All rights reserved.
