1Liqinisile lelilizwi elithi: Uba umuntu efisa isikhundla somalusi webandla, ufisa umsebenzi omuhle.
2Umalusi webandla umele ukuba abe ngumuntu ongasolekiyo, indoda elomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa,Tit 1:6–9
3angabi yisidakwa, angabi ngothanda ukulwa kodwa abe mnene, angabi ngothanda ukuxabana, angabi ngothanda imali.
4Kabe ngophatha kuhle umuzi wakhe, abantwana bakhe bemlalela ngenhlonipho yonke.
5Uba umuntu engakwazi ukuphatha owakhe umuzi, angaliphatha kanjani ibandla likaNkulunkulu na?
6Kangabi ngosand’ukukholwa, funa ngokukhukhunyezwa awele ekulahlweni kukaSathane.
7Kumele futhi ukuba abe ngohloniphekayo kwabangaphandle, funa awele ekuthukweni lasemjibileni kaSathane.
8Ngokunjalo lezikhonzi kufanele zibe ngabantu abahloniphekayo, labangelalimi, labangathandi ukunatha kakhulu, labangafisi inzuzo embi,
9zibambisise imfihlakalo yokukholwa zilezazela ezimhlophe.
10Labo kabaqale bahlolwe, andubana babekwe izikhonzi uba bengasoleki.
11Ngokunjalo labomkabo bafanele ukuba babe ngabahloniphekayo abanganyeyiyo, abazithintayo, abathembekileyo ezintweni zonke.
12Izikhonzi kazibe ngamadoda amfazi munye, aphatha kuhle abantwana bawo lemizi yawo.
13Ngoba izikhonzi ezisebenza kuhle zizuza ukuhlonipheka lesibindi ekukholweni okukuKristu Jesu.
14Ngithemba ukuba ngizakuza kuwe masinyane; kodwa ngikulobela lokhu ukuze kuthi
15uba ngibambeka, wazi ukuthi abantu bafanele ukuziphatha kanjani endlini kaNkulunkulu, elibandla likaNkulunkulu ophilayo, insika lesisekelo seqiniso.
16Kuyavunywa ukuthi yinkulu impela imfihlakalo yokukholwa kwethu, yokuthi:
Yena owabonakaliswa emzimbeni, walungisiswa emoyeni,
wabonwa yizithunywa watshunyayelwa ezizweni,
wakholwa ngumhlaba wonke, waphakanyiselwa ezulwini.
Who We AreWhat We EelieveWhat We Do
2025 by iamachristian.org,Inc All rights reserved.
