1Ilizwi leNkosi lafika kimi lathi:Isa 34:5–17; 63:1–6; Jer 49:7–22; Hez 25:12–14; Amos 1:11–12; Obad 1–14; Mal 1:2–5
2Ndoda, khangela ngasentabeni yaseSeyiri, utshumayele ngayo,
3uthi kuyo: INkosi uNkulunkulu ithi: Ngimelene lawe, wena ntaba yaseSeyiri, ngizakukuphakamisela isandla sami, ngikuchithe ube yinkangala.
4Ngizachitha imizi yakho, uzakuba yinkangala; uzakwazi ukuba ngiyiNkosi.
5Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.
6Ngalokho, kutsho uNkulunkulu, ngiyazifunga mina ukuthi ngizakukunikela ekuchithekeni kwegazi, ukuchitheka kwegazi kuthomane lawe; ngoba ulecala lokuchitha igazi, ukuchitheka kwegazi kuzathomana lawe.
7Ngizachitha intaba yaseSeyiri ibe yinkangala, ngiqede kiyo bonke abafikayo labasukayo.
8Ngizagcwalisa intaba zakho ngababuleweyo; ababuleweyo empini bazawela emaqaqeni akho lasezihotsheni zakho lasezindongeni zakho.
9Ngizakukwenza ube yinkangala engelakuphela, kungahlali muntu emizini yakho. Ng’khona uzakwazi ukuba ngiyiNkosi.
10Ngoba utshilo wathi: Lezizizwe ezimbili, oJuda loIsrayeli, lamazwe azo kuzakuba ngokwami, sizahlala kukho, lapho iNkosi yayihlala khona;
11ngalokho ngiyazifunga, kutsho iNkosi uNkulunkulu, ngizakukuphatha ngokufanele ukuzonda kwakho lomona wakho owawenzayo ngenxa yokubazonda kwakho; ngizakwenza ukuba ungazi nxa ngikuthonisisa.
12Uzakwazi ukuba mina Nkosi ngizwile ukuthuka kwakho owakutsho ngezintaba zakoIsrayeli usithi: Zichithekile, zinikiwe thina ukuba sizidle.
13Lakhuluma kubi ngami, landisa amazwi enu ngami, ngikuzwile.
14INkosi uNkulunkulu ithi: Ukuze umhlaba wonke uthokoze, ngizalichitha.
15Njengoba lathokoza ngelizwe lami uIsrayeli ngoba lachitheka, ngizakwenza njalo kuwe, uzachitheka, wena ntaba yaseSeyiri, lalo lonke iEdoma. Ng’khona bazakwazi ukuba ngiyiNkosi.
Who We AreWhat We EelieveWhat We Do
2025 by iamachristian.org,Inc All rights reserved.
