Nani 21 - Ndebele Bible (iBhayibhili Elingcwele) 1978

AbakoIsrayeli bahlaselwa ngamaKanani

1UmKanani, inkosi yaseAradi, owayehlala eNegebi, wezwa ukuthi uIsrayeli uyeza ngendlela yaseAtharimi; walwa loIsrayeli wathumba abanye kubo.AbakoIsrayeli babhoda ilizwe laseMowabi

10AbakoIsrayeli basuka bayamisa eObothi.

11Basuka eObothi, bayamisa eIye‐Abarimi enkangala maqondana lelizwe laseMowabi ngasempumalanga.

12Basuka lapho, bayamisa esigodini saseZeredi.

13Basuka lapho, bayamisa ngaphetsheya kweArinoni enkangala efika elizweni lamaAmori; ngoba iArinoni lingumkhawulo welaseMowabi, liphakathi kwelaseMowabi lamaAmori.

14Yikhoke kuthiwa oGwalweni lweZimpi zeNkosi:

IWahebi eliseSufa,

lezihotsha zaseArinoni,

15leliwa lezihotsha

elehlela endaweni yaseAri,

likhothamele emkhawulweni welaseMowabi.

16Basuka lapho, baya eBeri; lo ngumthombo lapho iNkosi eyatsho khona kuMose yathi: Buthanisa abantu, ngizakubanika amanzi.

17UIsrayeli wasehlabela lingoma ethi:

Mpompoza, mthombo! Hlabelelani kuwo,

18umthombo ezawumbayo izikhulu,

abawumbayo abakhulu babantu,

ngentonga yobukhosi langezindondolo zabo.

Basuka eBeri, baya eMathana.

19Basuka eMathana, baya eNahaliyeli; basuka eNahaliyeli, baya eBamothi;

20basuka eBamothi, baya esigodini esiselizweni laseMowabi, ngasentabeni yasePisiga ekhangelene lenkangala.

AbakoIsrayeli banqoba oSihoni loOgi

21UIsrayeli wasethuma izigijimi kuSihoni inkosi yamaAmori, wathi:

22Sivumele ukuba sidabule elizweni lakho; kasiyikuphambukela emasimini loba ezivinini; futhi kasiyikunatha amanzi emithonjeni yakho; sizahamba ngomgwaqo wenkosi, size siphume elizweni lakho.

23Kodwa uSihoni kamvumelanga uIsrayeli ukudabula elizweni lakhe. Wabuthanisa bonke abantu bakhe, waphuma ukuyahlasela uIsrayeli enkangala, wafika eJahazi, walwa loIsrayeli.

24UIsrayeli wababulala, wanqoba ilizwe labo kusukela eArinoni kuze kube seJaboki, elizweni lamaAmoni, ngoba ilizwe lakhona laliqinile.

25UIsrayeli wathatha yonke imizi yamaAmori, wahlala kiyo, iHeshiboni layo yonke imizana yalo.

26Ngoba iHeshiboni lalingumuzi kaSihoni inkosi yamaAmori, owayelwe lenkosi endala yaseMowabi, wanqoba lonke ilizwe layo kwaze kwafika eArinoni.

27Ngakhoke imbongi zithi:

Wozani eHeshiboni!

Umuzi kaSihoni kawakhiwe, umiswe.

28Ngoba umlilo wavutha eHeshiboni,

lamalangabi abhebha emzini kaSihoni,

latshisa iAri laseMowabi,

lezintaba zaseArinoni.

29Maye kuwe, Mowabi!

Lifile, lina bantu bakaKemoshi!

Wenza amadodana akhe aba ngababaleki,

lamadodakazi akhe aba ngabathunjiweyo

bakaSihoni, inkosi yamaAmori.

30Babhubha labantwana babo kusukela eHeshiboni kuze kufike eDiboni;

umlilo watshisa waze wafika eMedeba.

31UIsrayeli wasehlala elizweni lamaAmori.

32UMose wathumela abantu ukuhlola iJazeri; abakoIsrayeli basebethatha imizi yalo, banqoba amaAmori ayehlala khona.

33Basebephenduka, bahamba ngendlela eya eBashani. UOgi inkosi yaseBashani waphuma kanye labantu bakhe bonke, wabahlasela eEdreyi.

34Kodwa iNkosi yathi kuMose: Ungamesabi; ngoba ngiyamnikela esandleni sakho, kanye labantu bakhe bonke lelizwe lakhe; uzakwenza kuye njengokwenza kwakho kuSihoni inkosi yamaAmori owayehlala eHeshiboni.

35Basebembulala, lamadodana akhe, labantu bakhe bonke; kakuphunyukanga muntu. Bathumba ilizwe lakhe.