1UMose wasuka emagcekeni aseMowabi, waya entabeni yaseNebo, engqongeni yasePisiga emaqondana leJeriko. INkosi yamtshengisa lonke ilizwe, elakoGileyadi laze lafika kwelakoDani,
2lonke elakoNafitali, lelakoEfrayimi lelakoManase, lonke ilizwe lakoJuda kwaze kwaba soLwandle lwasentshonalanga,
3leNegebi, legceke eliyisigodi saseJeriko, umuzi wamalala, kwaze kwaba seZowari.
4INkosi yathi kuye: Yilo leli ilizwe engafunga kuAbrahama loIsaka loJakobe ngathi: Ngizakulinika inzalo yenu. Sengikuvumele ukuba ulibone ngamehlo akho, kodwa kawuyikuwela uye kilo.Gen 12:7; 26:3; 28:13
5UMose inceku yeNkosi wafela khona elizweni laseMowabi njengelizwi leNkosi.
6Walahlwa esigodini elizweni laseMowabi maqondana leBetiâPeyori; kodwa kakho olaziyo iliba lakhe kuze kube lamuhla.
7UMose wayeleminyaka elikhulu lamatshumi amabili ekufeni kwakhe. Amehlo akhe ayengafiphalanga, lamandla akhe ayengaphelanga.
8Abantu bakoIsrayeli bamlilela uMose emagcekeni aseMowabi insuku ezingamatshumi amathathu; zaphelake insuku zokumkhalela lokumlilela uMose.
9UJoshuwa indodana kaNuni wayegcwele umoya wokuhlakanipha, ngoba uMose wayebekile izandla zakhe phezu kwakhe. Ngakhoke abantu bakoIsrayeli bamlalela, benza njengalokhu iNkosi imlayile uMose.
10Selokhu kwaba yilesosikhathi kakuvelanga umprofethi onjengoMose koIsrayeli, iNkosi eyazana laye,Eks 33:11
11ngazo zonke izibonakaliso lezimangaliso iNkosi eyamthumela ukuba azenze elizweni laseGibithe, kuFaro lakuzo zonke inceku zakhe lakulo lonke ilizwe lakhe,
12langamandla amakhulu langezenzo ezinkulu ezesabekayo azenzayo uMose phambi kwabo bonke abakoIsrayeli.
Who We AreWhat We EelieveWhat We Do
2025 by iamachristian.org,Inc All rights reserved.
