Apokalipsi 22 - Portuguese Creole Bible, Guinea-Bissau

1Anju mostran riu di yaguSal 36.8; Ez 47.1; Zak 14.8; Jon 7.38-39 ku ta da vida, klaru suma vidru finu, ku ta saiba na tronu di Deus ku di Karnel,

2i ta lagua na metadi di prasa. Na dus ladu di riu i staba arvuri di vidaKap 2.7; Ez 47.12 ku ta padi fruta dozi bias kada anu, un bias kada mis. Fojas di ki arvuri ta sirbi pa remediu pa jinti di tudu nasons.

3La ka na ten masZak 14.11 maldison. Tronu di Deus ku di Karnel na sta la. Si servus na adoral.

4E ta oja siKap 3.12; 14.1; Mat 5.8; 1 Kor 13.12; 1 Jon 3.2 rostu; e ta tene si nomi na se testa.

5La i ka na ten mas di noti. I ka na pirsisadu kanderuKap 21.23,25; Sal 84.11 nin lus di sol, pabia Siñor Deus na numia elis. E na renaKap 3.21; Dan 7.27; 2 Tim 2.12 pa tudu sempri.

Jesus na bin

6Anju falan mas: “E palabra1 Tim 1.15 i bardadi, i mersi fia nel. Siñor, Deus ku da si Spiritu pa anunsiaduris, i manda si anju pa i mostraKap 1.1 si servus kusas ku ka na tarda pa kontisi.”

7Jesus fala: “Bo jubi, N ka na tarda paKap 22.12-20; Kap 1.3; 3.11 bin. Sortiadu i kilis ku rakada palabra di anunsiu ku faladu ne libru.”

8Ami Jon i kil ku obi, ku oja e kusas. Oca ku N obi, N oja, N kai na pe di anjuKap 19.10 ku na mostranba e kusas, pa N adoral,

9ma i falan: “Jubi, ka bu fasi asin, pabia ami N sta na tarbaju di Deus suma bo, ku bu ermons anunsiaduris, ku kilis ku guarda palabras de libru. Adora Deus.”

10I falan mas: “Ka bu sukundi sigriduDan 8.26; 1 Ped 4.7 de palabra di anunsiu de libru, pabia tempu sta pertu.

11Kil ki mau, pa i kontinua na si malvadesa; kil ki susu pa i fika na si susidadi; kil ki bon pa i kontinua na si bondadi; kil ki puru, pa i kontinua sedu puru.”

12Jesus fala: “Bo jubi, N ka na tarda pa bin.Kap 22.7; Mat 16.27 N na tene ña pagamentu pa N da kada kin konformi si tarbaju.

13Ami i AlfaKap 1.8 ku Omega, purmeru ku ultimu, kumsada ku kabantada.”

14Sortiadu i kilis ku laba se ropa na sangi di Karnel, pa e ten dirituKap 2.7; 21.27 na arvuri di vida, pa e pudi yentra na porton di prasa.

15KilisKap 9.20-21; 1 Kor 6.9-10; Fil 3.2 ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.

16“Ami, Jesus, N manda ña anju pa i konta bos na igreẑas e kusas. Ami i raisKap 5.5; Num 24.17; Is 11.1 di Davi, ku si jorson, ki strela di mandrugada ku na lampra.”

17Spiritu ku noivaKap 21.2,6 e fala: “Bin.” Kin ku obi pa i fala: “Bin.” Kin ku tene sedi pa i bin. Kin ku misti, i ta toma, sin paga nada, yagu ku ta da vida.

Kabantada

18Ami N na avisa tudu kil ku obi palabra di anunsiu de libru: Si algin buriLei 4.2 kualker kusa riba del, Deus na buri kastigu ku kontadu ne libru riba di si dunu.

19Tambi si algin tira kualker palabra ne libru di anunsiu, Deus na tira si parti di fruta na arvuri ku ta da vida; tambi i ta tira si parti na prasa di Deus, ku e libru konta aserka del.

20Kil ku da tustumuñu de kusas i fala: “Es i palabra sertu; N ka na tarda pa bin.”

Amen. Siñor Jesus, bin!

21FaburRom 16.20 di Siñor Jesus ta sta ku bos tudu. Amen.