Jeremias 11 - Portuguese Creole Bible, Guinea-Bissau

Kontratu kebradu

1Es i palabra ku SIÑOR bin papia ku Jeremias i falal:

2“Sukuta palabras de kontratu, bu papia ku omis di Judá ku moraduris di Jerusalen,

3bu fala elis kuma SIÑOR, Deus di Israel, i fala: ‘Omi ku ka obdisi palabraLei 27.26; Gal 3.10 de kontratu i na maldisuadu.

4N da e palabra pa bo papes na dia ku N tira elis di tera di Ejitu, di furnu di kastigu, N fala elis: Bo para sintidu pa ña palabra, bo fasi konformi tudu ku N manda bos. Bo ta seduKap 30.22; Sir 26.3,12; Lei 4.20; 1 Re 8.51 ña pobu; N ta sedu bo Deus.

5Asin N ta kumpriLei 7.12-13 juramentu ku N fasi pa bo papes, pa da elis un tera riku ku ta pruduzi ciu — e tera ku bo tene aos.’ ”

N ruspundi, N falal: “Asin ki sedu, SIÑOR.”

6SIÑOR falan: “Konta tudu e palabras na prasas di Judá ku ruas di Jerusalen, bu fala: ‘Bo sukuta palabra de kontratu, boJon 13.17; Rom 2.13; Tia 1.22 obdisil.

7Disna di tempu ku N tira bo papes na tera di Ejitu, te aos, N avisa elis manga di bias. N mandurga, N papia ku elis, N fala: Bo paraKap 7.13,25-26 sintidu na ña palabra,

8ma e ka obi, nin e ka para sintidu; kada kin yanda konformi duresaKap 7.24 di si korson mau. E ku manda N tisi riba delis tudu maldison de kontratu ku N manda elis pa e obdisi, ma e ka obdisi.’ ”

9SIÑOR torna fala: “Omis di Judá ku moraduris di Jerusalen e na rumaEz 22.25 se planu.

10E riba pa maldadis di se papesEz 20.18 di antigu ku negaba obi ña palabra. E yanda tras di utru deusis pa sirbi elis. Jorsons di Israel ku Judá e kebra kontratu ku N fasi ku se papes.

11Pabia di kila, ami, SIÑOR Deus, N fala kuma, N na tisi un mal riba delis ke ka na pudi kapli. E na coman, ma N ka na obiKap 14.12; Is 1.15 elis.

12Jinti di prasas di Judá ku Jerusalen e na bai pa deusisLei 32.37-38 ke kema nsensu pa elis, e na coma elis, ma ki deusis ka na pudi libra elis na tempu di se mal.

13O Judá! Konformi numeruKap 2.28 di bo prasas, asin ku bo deusis sta. Konformi numeru di ruas di Jerusalen, asin ki numeru di bo altaris ku bo kumpu pa kema nsensu pa Baal, ki deus di borgoña.

14“Jeremias, ka bu oraKap 7.16 pa e pobu, nin ka bu yalsa fála pa fasi pididu pa elis, pabia N ka na obi elis ora ke na coman pabia di se mal.

15“Ña pobu amadu fasi kusasTitu 1.15 nujenti; kal diritu ke ten na ña kasa? Nta e pensa kuma karni sakrifikadu pudi disvia e mal delis? E ta salta ku kontentamentu ora ke na fasi mal.

16SIÑOR ciga di comal oliveraRom 11.17 verdi, ku fruta sabi, bonitu, ma gosi, ku baruju di garandi turbada, i sindi fugu na roda del, i kebra si ramus.

17“Ami, SIÑOR ku ten tudu puder, kuKap 2.21; Is 5.2 parantal, N anunsia mal kontra el, un mal ki tisi riba di si kabesa, pabia di maldadi di jorsons di Israel ku Judá. E lantanda ña raiba manera ke kema nsensu pa Baal.”

Planu kontra Jeremias

18SIÑOR mostran ke ke na fasi; asin N bin sibi se pensamentus.

19Ami N seduba suma karnel mansu ku na lebaduIs 53.7 pa bai matadu, pabia N ka sibiba si e na purpara planus kontra mi. E fala:

“No dana arvuriKap 18.18; Sal 83.4 ku si fruta,

no kortal na tera di bibus,

pa i ka ten lembransa di si nomi.”

20O SIÑOR ku ten tudu puder, ku sedu Juis justu, ku ta proba pensamentuKap 12.3; 17.10; 20.12; 1 Sam 16.7; Sal 7.8 ku korson, N misti oja bu vingansa riba delis; N ntrega ña kasu na bu mon.

21“Ami, SIÑOR, N na papia aserka di omis di Anatot,Kap 1.1 ku na buska bu vida, ku na fala: ‘Ka bu anunsiaIs 30.10; Am 2.12; 7.12-16 na nomi di SIÑOR, pa ka bu bin muri na no mon.’

22Sin, asin ku SIÑOR ku ten tudu puder fala: N na kastiga elis. Jovens na muri di spada, se fijus macu ku femia e na muri di fomi.

23Na anu ku N marka pa se kastigu, N na pui mal pa i bin riba di jinti di Anatot; nin un son ka na sobra.”