Salmus 140 - Portuguese Creole Bible, Guinea-Bissau

Salmu di Davi pa ŝef di musika.

1O SIÑOR, libran di jinti mau;

guardan di omis violentu

2ku ta fasi planus mau,

e ta cuci jus tudu ora.

3E ta mola se lingua suma serpenti;

se boka tene venenuRom 3.13 suma kobra tutu.

Sela

4O SIÑOR, guardan di mon di jinti mau,

bu libran di omis violentu ku misti pun pa N kai.

5Orgulyosus ta sukundi armadilias ku kordas kontra mi;

e ta distindi ridia lungu di kamiñus,

e yarma armadilia pa pañan.

Sela

6N fala SIÑOR: “Abo i ña Deus.”

Obin ora ku N pidiu sakur, SIÑOR.

7O SIÑOR Deus, forsa di ña salbason,

bu kubrin kabesa na dia di gera.

8O SIÑOR, ka bu da jinti mau ke ke misti;

ka bu disa se planusJo 5.12-13 mau pa e bai dianti,

pa e ka njata.

Sela

9Kilis ku sta na ña roda ku lanta kontra mi,

pui pa maldadi di se palabras kaiKap 7.16; 35.8 riba di se propi kabesa.

10Pui brasas di fuguKap 11.6 pa i kai riba delis,

pa e botadu na fugu, na kobas fundu,

nunde ke ka pudi torna sai.

11Omi di lingua mau ka na tene kau sertu pa sinta na tera;

mal na pirsigi omi violentu tok i tiradu na con.

12N sibi kuma SIÑOR na difindiKap 109.31 kasu di kil ku kalkadu,

tambi i na difindi diritu di koitadi.

13Asin jinti justu na ngaba bu nomi,

retus na mora na bu pursensa.