Neemias 9 - Portuguese Creole Bible, Guinea-Bissau

Pobu konfesa se pekadu

1Na dia 24 di ki mis, fijus di Israel junta, na junjun,1 Sam 4.12; 7.6 bistidu di saku, ku reia na se kabesa.

2Kilis di jorson di Israel e separaKap 13.1,30; Esd 9.1-2; 10.11 di tudu stranjerus. E firma, e konfesa se pekadus, ku kusas mau ku se papes fasiba.

3E fika sikidu na se lugar; jinti lei na libru di lei di SIÑOR se Deus pa tris ora. Pa mas tris ora e konfesa se pekadus, e adora SIÑOR se Deus.

4Jesua, Bani, Kadmiel, Sebanias, Buni, Serebias, Bani ku Kenani e fika di pe riba di palku kumpudu pa levitas, e coma SIÑOR se Deus ku vos altu.

5Levitas Jesua, Kadmiel, Bani, Asabneias, Serebias, Odias, Sebanias ku Petaias e fala: “Bo lanta, bo fala ben di SIÑOR bo DeusSal 117; 1 Kron 29.11,13,20 ku ka ten kumsada, i ka ten kabantada.”

“No misti pa jinti ngaba bu nomiSai 15.11; Lei 28.58 gloriosu, ku sta riba di tudu benson ku lovor.

6Abo son ku sedu SIÑOR. Bu kumpu seu, te na ki seu mas altu,Lei 10.14; 2 Re 19.15; Sal 36.6; 103.21; Is 43.10; Apok 4.11; 5.11-13 ku tudu multidon di strelas; bu kumpu tera ku tudu ku sta nel; bu kumpu maris ku tudu ku sta nelis. Abo ku ta guarda tudu vida; puderis di seu ta adorau.

7Abo i SIÑOR, Deus ku kujiKum 12.1; 15.7; 17.5 Abron, bu tiral di Ur di Kaldeia, bu pul nomi di Abraon.

8Bu oja si korson fiel bu dianti, bu fasi kontratuKum 15.18-21; 17.7-8 ku el, bu fala kuma bu na dal, ku si jorson, tera di kananeus, eteus, amoreus, perizeus, jebuseus ku jirgaseus. Bu kumpri bu palabraJos 21.43-45 pabia abo i fiel.

9“Bu oja sufrimentu di no papes na Ejitu, bu obi elis oca ke comau lungu di Mar Burmeju.Sai 14.10

10Bu mostra sinal ku milagrisSai 7–10; 12 pa Faraó, ku si ŝefis ku tudu pobu di si tera, pabia bu nota kuma ke kalka elis. Asin bu ngaña nomi ku bu ten te aos.

11Bu rapati mar se dianti pa e pudi pasa na metadi del na con seku,Sai 14.21-22,27-28; 15.5,10 ma kilis ku na serkaba elis, bu bota elis na kau fundu, suma pedra ku kai na mar brabu.

12Bu gia elisSai 13.21-22; 14.19-20 di dia ku kuluna di nuven; di noti bu pui kuluna di fugu pa numia elis kamiñu ke tenba ku yanda nel.

13“Bu disi di seu riba di montiSai 19.18-20; 20.1-17 Sinai; bu fala ku bu pobu, bu da elis regras retu ku leis di bardadi, ku bon ordis ku mandamentus.

14Bu nsina elis pa e ba ta guarda un dia di diskansuKum 2.3; Sai 16.29; 20.8-11 pa bo, bu da elis ordis, regras ku leis pa boka di bu servu Moisés.

15Oca ke teneba fomi, bu da elis pon di seu; oca ke teneba sedi,Sai 16.14-15; 17.6; Num 20.8-11 bu tira yagu na pedra garandi pa elis. Bu fala elis pa e yentra e toma tera ku bu yalsa mon, bu jurmenta kuma bu na da elis.

16“Ma no papes bida orgulyosu,Sai 32.9 ntemus, e ka obdisi bu ordis.

17E nega sukutau, e ka lembra di garandi milagris ku bu fasiNum 14.3-4,18-19,41 pa elis. E ntema, e rebela, e kuji un ŝef pa e pudi riba pa se katiberasku, ma abo i un Deus ku ta purda, ku ta sinti pena, ku ta mostra bondadi, ku ta tarda pa paña raiba, ku ten garandi amor. Asin bu ka bandona elis,

18mesmu dipus de kumpu un bakasiñuSai 32.4-8 di metal, e fala: ‘Es i bu deus ku tirau di Ejitu,’ e fala tambi utru kusas mau kontra bo.

19Ma abo, pabia di bu garandi miserikordia, bu ka bandona elis na lala; ki kuluna di nuven fika pertu delis di dia, pa gia elis na kamiñu; di noti ki kuluna di fugu ka para numia elis, pa mostra kamiñu ke tenba ku bai nel.

20Bu da bu bon spirituNum 11.17,25-29 pa nsina elis; bu ka para da elis maná pa e kume; bu da elis yagu pa mata sedi.

21Asin ku bu sustenta elis korenta anuSai 16.35; Lei 2.7; 8.4; Jos 5.12 na lala; nada ka falta elis; se ropa ka dana nin se pe ka inca.

22“Bu da elis renus ku nasons, bu rapatiJos 11.23 tera pa elis. E toma tera di Sion, rei di Esbon,Num 21.21-35 ku di Og, rei di Basan.

23Bu buri elis fijus ciu suma strelasKum 15.5,18 di seu, bu leba elis pa tera ku bu falaba ja se papes kuma e na bin yentra pa tenel.

24Asin se fijus yentra e tomaJos 21.43 ki tera; bu bati kananeus ku moraba la, bu ntrega elis na se mon. Bu da bu pobu puder pa e fasi pobu ku reis di tera konformi e misti.

25E toma prasas forti ku conLei 6.10-11 riku, e ngaña kasas ku inciba rikesa, fontis kobadu, ortas di pe di uva ku di olivera, ku manga di arvuris di fruta. E kume, e farta, e taka, e goza kusas sabi, pabia di bu garandi bondadi.

26“Ma e torna ntemus, e rebela kontra bo, e vira kostaŜef 10.6; 1 Re 14.9; 19.10; 2 Kron 24.20-21; 36.16; Jer 7.24 pa bu lei, e mata bu anunsiaduris ku avisa elis pa e riba pa bo; e fasi kusas nujenti dimas.

27Asin bu ntrega elis na mon di se inimigus ku kastiga elis, ma na tempu di se kastigu e comau. La na seu bu obi elis; na bu garandi miserikordia bu da elis ŝefisŜef 2.14-19 pa liberta elis na mon di kilis ku na kastigaba elis.

28“Ma ora ke tenba diskansu, e ta torna fasi mal kontra bo; asin bu ta bandona elis na mon di se inimigus pa kilas pudi manda riba delis. Si e konverti, e comau, la na seu bu ta obiba elis; na bu miserikordia bu libra elis manga di bias.

29“Bu avisa elis pa e riba pa bu lei, ma e torna orgulyosu, e nega obdisi bu mandamentus; e peka kontra bu leis, ki leis ku ta da vida pa kilis ku obdisi elis. E da kosta, e ntema, e nega obdisi.

30Pa manga di anu bu mostra pasensa ku elis; bu Spiritu avisa elis2 Re 17.13; 2 Kron 36.15-16 pa boka di bu anunsiaduris, ma e ka para sintidu. E ku manda bu ntrega elis na mon di jinti di utru teras,

31ma na bu garandi miserikordia bu ka kabaJer 4.27; 5.10,18; Mis 3.22 ku elis, nin bu ka bandona elis, pabia abo i Deus di bondadiSai 34.6-7; 2 Re 13.23 ku miserikordia.

32“Asin, no Deus, Deus garandi, meduñu, ku ten tudu puder, ku ta guarda bu kontratu di amor, ka bu fasi puku di tudu kastiguEsd 9.13 ku bin riba di nos, no reis, no ŝefis, no saserdotis, no anunsiaduris, no papes ku tudu bu pobu, disna di tempu di reis2 Re 17.3-6; 18.9-37; 19 di Asiria te aos.

33Bu ten roson na tudu ku bin riba di nos; bu fasiMis 1.18; Dan 9.5-14 diritu, ma anos no fasi mal.

34No reis, no ŝefis, no saserdotis ku no papes e ka obdisi bu lei, nin e ka seta obi bu mandamentus nin avisus ku bu da elis.

35Na ki tempu e teneba se reis, e na gozaba manga di rikesa ku bu da elis, e na mora na con gurdu i largu ku bu ntregaLei 28.47-48 elis, ma mesmu asin e ka sirbiu, nin e ka konverti di kusas mau ke na fasiba.

36“Aos no sedu katibus, katibus li na tera ku bu da no papes pa e pudi kume si fruta ku utru kusas sabi ki ta pruduzi.

37Pabia di no pekadus, con ta pruduzi si rikesa pa reis ku bu pui riba di nos; e ta fasi ke ke misti ku no kurpus ku no limarias. No sta na garandi kasabi!”

Pobu fasi un kontratu

38Pabia des tudu, no fasi un kontratu2 Kron 29.10 firmi, no skirbil; no ŝefis, no levitas ku no saserdotis e pui se karimbu nel.