2 Koríntius 10 - Portuguese Creole Bible, Guinea-Bissau

Paulu na difindi si otridadi

1Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidiRom 12.1 bos, pa mansesa ku bondadi di Kristu,

2ka bo obrigan, ora ku N bai1 Kor 4.21 la, pa N sedu brabu. N sibi sertu kuma N pudi sedu brabu ku kilis ku fala kuma no ta fasi kusa suma jinti di mundu.

3Nin ku no sta na mundu, ma no gera i ka suma di mundu.

4ArmasEf 6.13; 1 Tes 5.8; 1 Tim 1.18 ku no ta geria ku el e ka sedu suma kilis di mundu, ma i arma ku ten puder di Deus pa kebra muras forti.

5No ta pajiga pensamentu falsu, ku tudu njatamentu di orgulyu ku ta lanta kontra kuñisimentu di Deus. No ta obriga kada pensamentu pa i fika bas di Kristu.

6Ora ku bo sta pruntu paKap 2.9; 7.15; 13.2,10 obdisi, no sta tambi pruntu pa kastiga tudu disobdiensia.

7Bo na jubi pa kusas suma ki taJon 7.24; 1 Kor 14.37; 1 Jon 4.6 parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

8Nin ku N njata ciu pabia di otridadi ku Siñor dan pa N judaKap 12.19 bos (i ka pa dana), N ka na burguñu.

9N ka misti pa i parsi kuma N na miti bos medu ku ña kartas.

10Utru jinti ta fala: “Si karta forti, i pisadu, ma ora ki staKap 11.6; 1 Kor 2.3-4; Gal 4.13 juntu ku nos i ka ta ten nin forsa; si palabra ka ta ten balur.”

11Algin ku papia asin i dibi di ntindi kuma, si N bai, ña manera ten ku sedu suma ku N skirbi na karta antis di N bai nunde bos.

12No ka osa justanda no kabesa nin komparal ku kilis ku ta yalsa se kabesa. Elis e tulu. E ta ranja se midida; e ta midi se kabesa, pa komparal ku se midida propi.

13Pa nos, no njatamentu i ka na pasa sertu limiti. I na fika dentru di limiti di tarbaju ku Deus marka pa nos. No tarbaju na bo metadi sta dentru di ki midida.

14Suma ku bo sta dentru de marka, no ka pasantal oca no ciga nunde bos pa konta Bon Noba di Kristu.

15No ka ta njata na tarbaju ku utru jintiRom 15.20 fasi fora di lugar ku Deus markanu, ma no na pera, suma ku bo fe na kirsi, ku no pudi fasi tarbaju muitu mas garandi na bo metadi, ma sempri dentru di ki midida ku Deus markanu.

16Dipus, no ta pudi leba Bon Noba pa tera mas dianti di bos, ma i ka na lugar di utru algin. Asin no ka ta njata na kil ku utru fasi ja.

17Kil ku naJer 9.24 njata, pa i njata son na Siñor.

18Kil ku Siñor pensa ben del, el ku ta setadu; i ka kil ku ta ngabaDit 27.2; Luk 18.11-14; Rom 2.29; 1 Kor 4.5 si propi kabesa.