Sofonias 2 - Portuguese Creole Bible, Guinea-Bissau

1BoJoe 2.16 junta, o nason ku ka ten borgoña, bo junta

2antis di ordi sai, pabia dia na pasa suma paja ku na baridu; bo junta antis di raiba di SIÑOR bin riba di bos; sin, antis di dia di raiba di SIÑOR bin riba di bos.

3Bo buska SIÑOR, abos, tudu jinti mansu di tera, ku ta obdisi si lei. Bo buskaJoe 2.14; Am 5.6,15 sedu justu, bo sedu mansu; talves bo na sukundidu na dia di raiba di SIÑOR.

Anunsiu kontra Filistia, na kaida di sol

4GazaJer 47.4-5; Am 1.6-8 na bandonadu, Askelon na danadu; na me-dia jinti di Asdod na serkadu na prasa; Ekron na rinkadu ku rais.

5Ai di pobu di kereteusEz 25.16-17 ku mora lungu di mar! Jinti di Kanaan, tera di filisteus, palabra di SIÑOR sta kontra bos, i fala:

“N na kaba ku bos

tok i ka ten kin ku mora na bo tera.”

6Tera lungu di mar na tene paja pa limarias kume, ku barakas pa bakiaduris ku koral pa karnelis.

7Jinti ku sobra di jorson di Judá na tene ki tera lungu di mar pa bakia se limarias. Di noti e na bai dita na kasas di Askelon, pabia SIÑOR se Deus i na sta ku elis, i na tornaKap 3.20; Jer 29.14 se katibus na se tera.

Anunsiu kontra Moab ku Amon, na saida di sol

8“N obi manera ku jinti di MoabJer 48.27; 49.1 ku Amon e fasi trosa, e koba ña pobu mal, e njata kontra se tera.

9Asin, N jurmenta pa ña vida, ami SIÑOR ku ten tudu puder, Deus di Israel, kuma Moab na sedu sumaJer 50.40 Sodoma; fijus di Amon na sedu suma Gomora. Con na sedu kau di paja brabu ku kobas di sal, un lala pa sempri. Kilis di ña pobu ku sobra e na furta kusas la, e na toma tera.”

10Es i na sedu se pagamentu pa se orgulyu pabia e koba mal, e njata kontra pobu di SIÑOR ku ten tudu puder.

11SIÑOR na sedu meduñu pa elis, pabia i na kaba ku tudu deusis di tera. Jinti di tudu jius ku nasons e na adoral, kada kin na si kau.

Anunsiu kontra Kusi (Etiopia), na sul

12“Abos di EtiopiaIs 18.1; 20.4-5 tambi,

bo na matadu ku ña spada.”

Anunsiu kontra Asiria, na norti

13I na distindi si mon kontra ladu di norti, i na kaba ku Asiria; i na disaNaun 2.10 Ninive, se prasa garandi, sin ningin; con na seku suma lala.

14Karnel ku baka ku tudu koldadi limariaIs 13.21-22 na dita la. Masariku ku kuruẑa na durmi riba di kulunas; se vos na fasi eku na janelas. Paredis kebradu na inci na portas; maderiamentu di po di sedru na diskubridu.

15Es i ki prasa kunfiaduIs 47.8; Apok 18.7 i kontenti, ku ta falaba na si sintidu: “Alin li, i ka ten utru fora di mi!” Ma i danadu tudu; gosi i kau di limarias! Algin ku pasa i taJo 27.23 subia, i pui mon na boka.