Ŝefis 7 - Portuguese Creole Bible, Guinea-Bissau

Jidion ngaña midianitas

1Jerubaal, ku sedu Jidion, i lanta parmaña sedu, ku tudu omis ku staba ku el; e kampa pertu di fonti di Arod. De manera kampamentu di midianitas fikaba pa norti, na kobon, lungu di monti di Moré.

2SIÑOR fala Jidion: “Omis ku sta ku bo e ciu dimas pa N pudi da midianitas na se mon.Lei 8.17; 1 Sam 14.6; 2 Kron 14.11; 1 Kor 1.27-29; 2 Kor 4.7 E pudi bin nega dan gloria, e fala kuma i se propi forsa ku libra elis.

3Asin bu ta konta elis e palabra pa e pudi obi: ‘Kin ku sedu kobardu, i sintiLei 20.8 medu, pa i sai dipresa na montaña di Jilead, i riba pa kasa.’ ” Asin vinti i dus mil omi riba; i fika des mil.

4SIÑOR fala Jidion: “Jinti ciu inda. Leba elis pa yagu; la N na rapatiu elis. Kil ku N falau: ‘Es i na bai,’ i na bai ku bo, ma kil ku N falau: ‘Es ka na bai ku bo,’ i ka na bai.”

5Jidion ria ku si jinti pa yagu. SIÑOR falal: “Kualker ku limbi yagu ku si lingua, suma ku kacur ta limbi, bu na pul aparti, suma tambi tudu kilis ku finka juju pa bibi yagu.”

6Trizentus omi lantanda yagu ku mon pa boka; ki restu di jinti e finka juju pa bibi yagu.

7SIÑOR fala Jidion: “N na libra bos ku e trizentus omi ku limbi yagu; N na da midianitas na bu mon. Asin ki utru jinti, kada kin pudi bai pa si kau.”

8Jidion manda ki utru omis di Israel pa se tendas, ma i fika ku ki trizentus, ku toma kumida ku kornetas na mon di ki utrus. Kampamentu di midianitas staba la bas na kobon.

9Na ki di noti SIÑOR fala Jidion: “Lanta, bu bai ataka ki kampamentu, pabia N dau el na bu mon.

10Si bu ten medu di atakal, bu ta bai ku bu rapas Purá pa ki kampamentu.

11La bu na bai obi1 Sam 14.8-10 ke ke na fala. Asin bu na ten koraẑen di geria kontra elis.” Jidion bai ku si rapas Purá te na roda nunde ku sintinelas di kampamentu staba.

12Midianitas, amalekitas ku tudu jinti di ladu di saida di sol, e staba na kobon suma multidon di gamfañotis; se kamelus ciu ba tok e ka pudi kontadu, suma reia na praia.

13Oca Jidion ciga, i tenba un omi ku na konta si kumpañer un suñu, i falal: “N suña un suñu, N oja un pon toradu di sevada i na rolaba na kampamentu di midianitas, tok i ciga na tendas, i bati elis. Tendas rabida, e kai, e fika rasu na con.”

14Si kumpañer ruspundil: “Es ka na sedu utru kusa si i ka spada di Jidion, fiju di Joás, ki omi di Israel. Deus da midianitas na si mon, ku tudu e kampamentu.”

15Oca ku Jidion obi ki suñu kontadu, tudu ku si signifikadu, i adora Deus. I riba pa kampamentu di israelitas, i fala: “Bo lanta, pabia SIÑOR da kampamentu di midianitas na bo mon.”

16I bin rapati ki trizentus omi na tris grupu, i pui na mon di kada omi un korneta, ku puti2 Kor 4.7 limpu ku teneba pacu di fugu dentru.

17I fala elis: “Bo ba ta jubi na mi; bo na fasi maneraKap 9.48; 1 Kor 11.1 ku N fasi. Si no ciga na roda di kampamentu, bo na ba ta fasi suma ku N na fasi.

18Si ami ku kilis ku sta ku mi no toka korneta, abos tambi, tudu na roda di kampamentu, bo ta toka, bo fala: ‘Pa SIÑOR, tambi pa Jidion.’ ”

19Jidion ciga, ku ki sen omi ku baiba ku el, na roda di kampamentu, antis di me-noti, oca sintinelas kumsa rindi ŋutru. E toka kornetas, e kebra putis ke teneba na mon.

20Asin tudu tris grupu tokaJos 6.20; 1 Kor 15.52; 1 Tes 4.16 korneta, e kebra putis. E pega pacu di fugu na mon skerda; na se mon direita e pega kornetas ke na tokaba, e grita ku forsa e fala: “No spada i pa SIÑOR, pa Jidion tambi!”

21Kada kin fika na si lugarSai 14.13; 2 Kron 20.17 na roda di kampamentu. Tudu ki tropas di midianitas e rinka kuri, e na grita.

22Oca ki trizentus na toka korneta, SIÑOR pui jinti na tudu ki kampamentu pa e vira spada kontra1 Sam 14.16,20; 2 Kron 20.23; Zak 14.13 ŋutru. Tropas rinka kuri pa Zererá, te na Bet-Sita, te na frontera di Abel-Meolá,1 Re 4.12; 19.16 pertu di Tabat.

23Israelitas di Naftali, Aser ku tudu Manasés e comadu, e pega tras di midianitas.

24Jidion manda rekadu tambi pa tudu montañas di Efrain, i fala: “Bo ria pa bai kontra ku midianitas, bo tajaKap 3.27-28; 12.5 elis riu Jordon teJon 1.28 Bet-Bara.”

Asin, tudu omis di Efrain comadu, e bai taja riu Jordon te Bet-Bara.

25E prindi dus ŝef di midianitas, ku sedu OrebKap 8.3; Is 10.26 ku Zeeb. E mata Oreb na pedra garandi di Oreb, e mata Zeeb tambi na kau di masa uvas di Zeeb. E kontinua na serka midianitas. Dipus e tisi kabesa di Oreb ku di Zeeb pa Jidion ku staba lungu di Jordon.