Salmus 19 - Portuguese Creole Bible, Guinea-Bissau

Salmu di Davi pa ŝef di musika.

1Seu ta konta gloria di Deus,

i ta mostra tarbajuKap 89.5; 97.6; 145.10; Kum 1.6-8; Is 40.22 di si mon.

2Un dia ta konta utru dia;

un noti ta mostra kuñisimentu pa utru noti,

3sin lingua, sin palabra;

si fála ka ta obidu,

4ma si rekadu ta obidu na tudu tera,

si palabra ta cigaRom 10.18 te na kabantada di mundu.

La na seu, Deus pui tenda pa sol,

5ku ta sai di parmaña suma noivu, tudu kontenti,

suma kampion ku sta pruntu pa bai si kurida.

6I ta kumsa na un laduEkl 1.5 di seu,

i ta da si kurva te na utru ladu;

nada ka pudi sukundi di si kalur.

7Lei di SIÑOR i pirfitu,

i ta pui nobu vida na algin;

nsinamentus di SIÑOR i di fiansa,

i ta da jiresa pa kilis ku ka tenel.

8OrdisNe 9.13 di SIÑOR i retu, i ta kontenta korson;

mandamentu di SIÑOR i puru, i ta da ntindimentu klaru.

9Rispitu pa SIÑOR i limpu, i ta manti pa sempri.

Julgamentus di SIÑOR i retu; tudu elis i justu.

10E mas ten balurKap 119.72,127 di ki uru,

mas di ki manga di uru puru.

E mas ta mela di ki mel ora ki sai na si bagus.

11E ta da avisu pa mi, bu servu;

kil ku ta obdisi elis i ten garandi purbitu.

12Kin ku pudi oja si propi erus?

SIÑOR, purdan kilis ku N ka nota.

13Libra bu servu di pekadus ku N ta ntema pa fasi,

pa ka e manda riba di mi.

Asin N ta sedu sin kulpa,

N fika limpu di garandi pekadu.

14O SIÑOR, ña Roca,Is 44.6; 47.4 ña Libertadur,

palabras di ña boka ku pensamentus di ña korson

pa e sabi na bu dianti.