Mateus 15 - Portuguese Creole Bible, Guinea-Bissau

Nsinamentu di antigus(Mar 7.1-23)

1Un dia utru fariseus ku pursoris di lei ku sai di Jerusalen e bai pa Jesus, e fasil e purgunta:

2“Ke ku manda bu disipulus ta kebra lei di antigus? E ta kume sin fasi sirmonia di kustumuKol 2.8 di laba mon.”

3I ruspundi elis, i punta: “Abos tambi, ke ku manda bo ta kebra mandamentu di Deus pabia di bo kustumus di antigu?

4Deus fala: ‘Rispita bu papeKap 19.19; Sai 20.12 ku bu mame.’ I fala tambi: ‘Kin ku fala malSai 21.17 di si pape o si mame i ten ku matadu.’

5Ma abos bo fala kuma, kualker ku fala si pape o si mame kuma, kusa ki tene ku pudi sedu purbitu pa elis i oferta pa Siñor, ki algin i ka ta obrigadu juda si pape o si mame.

6Asin bo ta tira balur na lei di Deus pa pudi guarda bo kustumus di antigu.

7Finjidus! Isaias tenba roson di anunsia di bos, i skirbi kuma Deus fala:

8‘E pobuIs 29.13; Ez 33.31 ta ngaban ku se palabra,

ma se korson sta lunju di mi.

9E ta adoran amonton;

e ta nsina jinti mandamentus di omiKol 2.22; Titu 1.14-15 suma ki di Deus.’ ”

10Jesus coma ki multidon di jinti, i fala elis: “Bo sukuta, pa bo ntindi.

11I ka kil ku ta yentra na boka ku ta kontamina algin, ma kil ku ta sai na boka, el ku ta mancal.”

12Si disipulus bin pertu del, e puntal: “Bu sibi kuma fariseus obi e palabra, e fika ofindidu?”

13I ruspundi, i fala elis: “Tudu planta ku ña Pape di seu ka paranta i na bin rinkadu.

14Bo disa elis; e sedu giasKap 23.16-19; Is 9.16; Mal 2.8; Luk 6.39 segu. Ora ku un segu gia utru segu, tudu dus ta kai na koba.”

15Pedru falal: “Splikanu e komparason.”

16Jesus punta elis: “Abos tambi bo ka pudi ntindiKap 16.9,11 inda?

17Bo ka sibi inda kuma tudu kil ku yentra na boka i ta bai pa bariga, i ta sai pa fora?

18Ma kil ku ta sai na bokaTia 3.6 i ta bin di korson. El ku ta kontamina algin.

19I di korsonKum 6.5; 8.21; Dit 14.18; Gal 5.19-21 ku pensamentus mau ta sai nel, ku mata, kai cai, fasi pekadu seksual, furta, konta mintida pa algin, papia mal kontra jinti.

20I e kusas ku ta kontamina algin, ma kume sin laba mon di kustumu, i ka ta kontamina ningin.”

Fe di un minjer di Kanaan(Mar 7.24-30)

21Jesus sai di ki lugar, i pasa pa reẑion di Tiru ku Sidon.

22Un minjer ku sai di ki area di Kanaan grita i fala: “Siñor, FijuKap 9.27 di Davi! Ten pena di mi, pabia ña fiju femia tene dimoniu ku na kansal dimas.”

23Jesus ka ruspundil nin un palabra. Si disipulus ciga pertu del, e pidil, e fala: “Serka ki minjer; i na grita no tras!”

24Jesus ruspundi, i fala: “Ami N mandadu son pa jinti di nason di IsraelKap 10.5-6; At 3.25-26; 13.46; Rom 15.8-9 ku pirdi suma karnel.”

25Minjer bin, i finka juju si dianti, i falal: “Siñor, sakuran!”

26Jesus ruspundi, i falal: “I ka bon pa toma kumida di fijus pa botalKap 7.6 pa kacuriñus.”

27Minjer falal: “Sin Siñor, ma kacuriñus tambi e ta kume restu di kumida ku ta kai na mesa di se dunu.”

28Jesus ruspundi, i falal: “E, minjer! Bu feKap 8.10,13 i garandi! Pa i sedu pa bo suma ku bu misti.” Si fiju san janan na ki mesmu ora.

Jesus da kumida pa 4.000 omi(Mar 8.1-10)

29Jesus sai di ki reẑion, i bai lungu di mar di Galileia, i subi na un monti, i sinta la.

30Manga di jinti bai pa el, e lebaKap 11.5; Is 35.5-6 mankus, segus, mudus, ku kilis ku tene difeitu na kurpu, ku manga di utru duenti, e pui elis dianti di Jesus. I kura elis.

31Multidon di jinti fika dimiradu pa oja mudus na papia, kilis ku tene difeitu kuradu, mankus na yanda diritu, segus na oja; e ngaba Deus di Israel.

32Jesus coma si disipulus, i fala: “N ten penaKap 14.14 de jinti pabia e tene ja tris dia ku mi. E ka tene nada di kume. N ka misti dispidi elis sin e ka kume, pa ka e bin dismaja na kamiñu.”

33Si disipulus puntal: “NundeNum 11.21-22; 2 Re 4.43 ku no pudi oja pon na lala li ku na ciga e multidon di jinti pa e farta?”

34Jesus punta elis: “Kantu pon ku bo tene?” E falal: “No tene seti ku un bokadu di pis.”

35Jesus da jinti ordi pa e sintaKap 14.19 na con.

36I toma ki seti pon ku pis, i fala DeusKap 26.26; At 27.35 obrigadu, i kebra elis, i ntrega si disipulus. Elis e ntrega jinti.

37Asin tudu kume, e farta. Kil ku sobra i kujidu, i inci setiKap 14.20 balai.

38Numeru di omis ku kumel i seduba kuatru mil, fora di minjeris ku mininus.

39Dipus ki dispidi ki multidon di jinti, i kamba na barku, i bai pa tera di Magdala.