Salmus 111 - Portuguese Creole Bible, Guinea-Bissau

1Bo ngaba SIÑOR!

N na ngaba SIÑOR ku tudu korson,

na kompañia di justus na juntamentu di pobu.

2Kusas ku SIÑOR fasi i garandi;

kilis ku ta kontenti ku elis e ta pensa ciu nelis.

3Si tarbaju ten gloria ku puder;

si retidon ka na kaba.

4I ta pui kusas garandi ki fasi pa e lembradu.

SIÑOR i bon, i ta sinti pena.

5I ta da kumida pa kilis ku rispital;

sempri i ta lembra di si kontratu.

6I mostra si pobu ke ku si puder pudi fasi,

manera ki da elis teras di utru nasons.

7Na tudu ki fasi el iApok 15.3 justu, i fiel;

si mandamentus i di fiansa.

8E dadu na bardadi ku retidon;

e sta firmi pa tudu sempri.

9I bai liberta si pobu;

i firmanta si kontratu pa sempri.

Si nomi i sagradu, i meduñu.

10Rispitu pa SIÑORLei 4.6; Dit 1.7; Ekl 12.13 i purmeru pasu pa jiresa;

tudu jinti ku obdisi si ordis e na ten bon ntindimentu.

Deus ten ku ngabadu pa sempri.