Jon 12 - Portuguese Creole Bible, Guinea-Bissau

Maria unta Jesus ku oliu purfumadu(Mat 26.6-13; Mar 14.3-9)

1Seis dia antis di Paskua, Jesus bai pa Betânia, nunde ku LazaruKap 11.1,43 staba nel, ki Lazaru ku muriba, ku Jesus lantanda di mortu.

2E fasil sia la. Marta na sirbiba; Lazaru i un di kilis ku staba juntu ku Jesus na mesa.

3Maria toma meiu kilu di un pomada karu, di nardu puru, ku ta cera sabi, i unta Jesus na pe, i limpal pe ku si kabelu. Tudu kasa fika i na cera sabi.

4Un di si disipulus comadu Judas Iskariotis, kil ku bin falsia Jesus, punta:

5“Pabia di ke ku e purfumu ka bindidu pa trizentus mueda di prata, pa pobris dadu el?”

6Judas fala e kusa, i ka pabia i gosta di pobris, ma pabia i el ku ta tene bolsaKap 13.29 di diñeru; i seduba ladron, i ta furta kusa ku ta puduba nel.

7Jesus fala: “Bo disal. I guarda e purfumu pa i sirbi pa dia di ña nteru.

8Sempri bo na tene pobrisLei 15.11 juntu ku bos, ma ami, N ka na sta sempri ku bos.”

9Manga di judeu bin sibi kuma Jesus sta la; e bai, i ka son pabia di Jesus, ma tambi pa e oja Lazaru ku Jesus lantanda di mortu.

10Asin ŝefis di saserdoti rezolvi tambi mataLuk 16.31 Lazaru,

11suma ku manga di judeu na disa elis, e na bai pa Jesus, e fiaKap 7.31 nel, pabia di Lazaru.

Jesus yentra na Jerusalen(Mat 21.1-11; Mar 11.1-10; Luk 19.29-40)

12Sol mansi, manga di jinti ku binba festival obi kuma Jesus na bin pa Jerusalen.

13E toma ramus di palmera, e sai, e bai kontra ku Jesus, e na grita: “Osana! Rei di Israel ku bin na nomi di Siñor i mersiSal 118.26 ngabadu!”

14Jesus oca un buru pikininu, i sinta riba del, suma ki sta skritu:

15“Prasa di Sion, ka bu medi.

Ali bu ReiZak 9.9 na bin

sintadu riba di fijusiñu di buru.”

16Si disipulus ka ntindiLuk 18.34 e kusas na kumsada, ma oca Jesus glorifikadu, e kumsa lembraKap 2.22; 14.26 kuma e kusa ke fasil staba skritu aserka del.

17Ki jinti ku mati oca Jesus tira Lazaru na koba konfirma kuma Jesus lantandal na metadi di mortus.

18E ku manda ki multidon sai pa bai kontra ku Jesus, pabia e obiba kuma i fasi ki milagri.

19Fariseus fala entri elis: “Bo oja kuma bo ka na purbita nada? Tudu jintiKap 11.47-48 na bai si tras!”

Gregus misti oja Jesus

20Na metadi di jinti ku bai pa adora Deus1 Re 8.41-43; At 8.27; 17.4 na dia di festival i staba utru gregus.

21Elis e bai oja ku Filip, ku seduba di prasa di BetsaidaKap 1.44 di Galileia. E rogal, e falal: “Siñor, no misti oja Jesus.”

22Filip bai konta André; elis dus e bai konta Jesus.

23Jesus ruspundi elis: “Ora ciga pa Fiju di omi sedu glorifikadu.

24N na konta bos bardadi kuma, si garan di arus ka kai na con, i ka1 Kor 15.36 muri, i ta fika el son, ma si i muri i ta padi ciu.

25Kin ku ama si vidaMat 10.39; Luk 9.24; 17.33; At 20.24; 21.13 i na pirdil; kin ku ne mundu nfastia si vida, i na tenel pa vida ku ka ta kaba.

26Kin ku na sirbin pa i sigin. Nunde ku N staKap 14.3; 17.24; 1 Tes 4.17 nel, ña servu na sta la tambi. Si algin sirbin, ña Pape na onral.

Jesus fala aserka di si mortu

27“Gosi ña alma sta ku kasabiMat 26.38-39; Luk 12.50 dimas. Ke ku N na fala? O nos N na fala: ‘Pape, salban de ora li’? Ma i pa e ora ku N bin mundu.

28Pape, glorifika bu nomi.” Logu i bin un vos di seuMat 3.17; 2 Ped 1.17 ku falal: “N glorifikal ja. N na glorifikal mas.”

29Multidon di jinti ku staba la ku obi ki vos e fala: “I turbada.” Utrus fala: “I un anju ku papia ku el.”

30Jesus ruspundi: “E vos ka bin pabia di mi, ma pabiaKap 11.42 di bos.

31Tempu ciga pa julgamentu de mundu.Kap 14.30; 16.11; Luk 10.18; At 26.18; 2 Kor 4.4; Ef 2.2; 6.12; 1 Jon 3.8 Gosi ŝef de mundu na serkadu fora.

32Ora ku N lantandaduKap 3.14 di tera, N na junda tudu jinti pa mi.”

33I na falaba e kusa pa mostra di kal koldadi mortuKap 18.32; 21.19 ki na muri.

34Multidon ruspundil: “No lei kontanu kuma Kristu ta fika paSal 89.36; Is 9.7; Ez 37.25; Dan 2.44; 7.14,27; Mik 4.7 sempri. Kuma ku bu na fala kuma i pirsis pa Fiju di omi lantandadu? Kin ki ki Fiju di omi?”

35Jesus fala elis: “LusKap 12.46; 1.4 inda sta ku bos pa puku tempu; bo yanda nkuantu bo tene lus, pa sukuruJer 13.16 ka paña bos, pabia kin ku ta yandaKap 11.10; 1 Jon 2.11 na sukuru ka ta sibi pa nunde ki na bai nel.

36Nkuantu bo tene lus bo fia na lus, pa bo pudi sedu jinti diEf 5.8; 1 Tes 5.5; 1 Jon 2.9-10 lus.” Oca Jesus fala e palabra, i bai sukundiKap 8.59 delis.

Falta di fiansa na Jesus

37Jesus fasi manga di milagri dianti di ki jinti, ma e ka fia nel,

38pa pudi kumpri palabra di anunsiadur Isaias ku punta:

“Siñor, kinIs 53.1; Rom 10.16 ku fia oca no konta bu palabra?

Puder di Siñor i mostradu pa kin?”

39Asin e ka pudi fia, suma ku Isaias fala utru bias:

40“I sega elis uju; i tapaIs 6.9-10 elis ntindimentu,

pa e ka pudi oja ku uju,

nin pa e ntindi na kabesa,

nin pa e riba pa mi Deus, pa N kura elis.”

41Isaias fala e kusas oca i oja gloriaIs 6.1 di Jesus, i fala aserka del.

42Mesmu asin, manga di ŝef di judeus fia na Jesus, ma e ka seta mostra, ku meduKap 7.13 di fariseus, pa ka e serkadu na kasa di juntamentu.

43E amaba mas gloria di omiKap 5.44 di ki gloria di Deus.

Jesus i lus di mundu

44Jesus yalsa vos, i fala: “Kin ku fia na mi, i ka na mi ki fia, ma na kilMar 9.37; 1 Ped 1.21 ku mandan.

45Kin ku ojan, i ojaKap 14.0 kil ku mandan.

46Ami i lusKap 12.35-36; Kap 1.4-5 ku bin na mundu, pa tudu kin ku setan ka ta fika na sukuru.

47Ma kin ku obi ña palabra, i ka obdisil, ami N ka naKap 8.15 julgal, pabia N ka bin pa julga mundu, ma pa N salbaKap 3.17 mundu.

48Kin ku negan, i ka risibi ña palabra, i ten ja kin kuLuk 10.16 na julgal; palabra ku N konta, es ku na julgalLei 18.19; Mar 16.16 na ultimu dia.

49Ami N ka papia di mi propi, ma ña PapeKap 5.19 ku mandan, el i dan ordi aserka di kusas ku N dibi di konta ku kil ku N dibi di fala.

50N sibi kuma si ordi ta da vida ku ka ta kaba. Asin kil ku N na fala, N ta falal suma ku ña Pape kontan pa N fala.”