1 Timótiu 6 - Portuguese Creole Bible, Guinea-Bissau

Kil ku katibu dibi di fasi

1Tudu servu ku sta bas di katiberasku i dibi di sibi kuma si mestreEf 6.5 mersi tudu rispitu, pa ka ningin fala mal di nomi di Deus nin di no nsinamentu.

2Kilis ku tene mestre krenti e ka dibi di lebsil suma e sedu ermons, ma e dibi di sirbil inda minjor, pabia kil ku na purbita di se tarbaju i krenti ke ama. N rogau pa bu nsina, bu konsija e kusas.

Amor pa diñeru

3Si algin nsina utru dutrina, i ka seta palabra di bardadi di no Siñor Jesus Kristu, nin nsinamentu di no riliẑion,

4si dunu sta incadu di orgulyu, i ka sibi1 Kor 8.2; 2 Tim 2.23; 3.8; Titu 3.9 nada. I ta lantanda purfia, i ta jusia aserka di palabras. Asin i ta tisi nveẑa, purfia, koba mal, mau diskunfiansa,

5ku diskutison ku ka ta kaba, di jinti ku se kabesa ka na tarbaja diritu; e ka ten ja bardadi. E ta kuda kuma riliẑion i fontiTitu 1.11 di ngañu.

6Na bardadi, riliẑion i garandi fonti di ngañu, si no tenSal 37.16; Dit 15.16 kontentamentu,

7pabia no ka tisi nadaJo 1.21; Sal 49.17 ne mundu; i klaru kuma no ka pudi leba tambi nada.

8Asin si no tene kumidaKum 28.20; Eb 13.5 ku ropa, no dibi di kontenti.

9Kilis ku misti seduDit 15.27; Mat 13.22 riku e ta kai na tentason, e ta pañadu na lastru di manga di diseẑu tulu ku ta dana, ku ta murgujanta elis na stragu ku pirdison.

10Amor pa diñeruSai 23.8 i rais di tudu koldadi mal. Utru jinti buskal tok e disvia na fe; e fidi se vida ku manga di dur.

Konsiju pa Timótiu

11Abo, omi di Deus, libra2 Tim 2.22 de kusas, bu sigi justisa, un vida suma ku Deus misti, ku fe, amor, firmesa, ku mansesa.

12Geria bu bon gera di fe; pegaFil 3.12-14 na vida ku ka ta kaba ku bu comadu pa el, oca bu konta ku firmesa aserka di bu fe dianti di manga di tustumuña.

13Dianti di Deus ku ta da vida1 Sam 2.6; Jon 5.21 pa tudu kusa, ku Kristu Jesus ku konta ku firmesa aserka di si fe dianti di PonsiuMat 27.11; Jon 19.11 Pilatus, N mandau

14pa bu obdisi ordi sin falta ninFil 1.10; 1 Tes 3.13 kulpa, tok no Siñor Jesus Kristu bin parsi.

15Deus na mostral na si tempu propi, Deus ku mersiKap 1.11; Apok 17.14 ngabadu, ku ta manda el son, Rei riba di tudu reis, Siñor riba di tudu siñoris.

16El son ku ka ta muri, i mora na lus ku ningin ka pudi2 Kron 5.14 ciga nel. Ningin kaSai 33.20; Lei 4.12; Jon 1.18; 6.46 ojal, nin i ka pudi ojadu, kil ku ten ku dadu onraEf 3.21; Jud 25; Apok 7.12 ku puder pa sempri. Amen.

17Manda kilis ku riku na kusas de mundu pa ka e sedu garandiosu, nin pa ka e pui speransaJo 31.24; Dit 23.5; Mar 10.24 na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

18Fala elis pa e fasi ben, pa e rikusiLuk 12.21; Rom 12.13; 2 Kor 9.8; Titu 3.8 ku bon obra, pa e sta pruntu pa da, pa e rapati ku utrus.

19Asin e ta junta pa se kabesa un rikesaMat 6.19-20 ku ta sedu bon alisersu pa mas dianti, e yangasa vida di bardadi.

20Timótiu, guarda suguru2 Tim 1.14 kil ku bu ntregadu. Libra di kombersas tulu di amontondadi, ku purfias2 Tim 2.14 di kil ku utrus ta coma “kuñisimentu”, ma i falsu,

21pabia utrus ku fala kuma e ten e kuñisimentu e bin disvia2 Tim 2.18 na fe.

FaburRom 16.20 di Deus ta sta ku bos tudu.