Ripitison di Lei 25 - Portuguese Creole Bible, Guinea-Bissau

1Si dus omi tene keŝa na se metadi, e bai pa kau di fasi justisa pa kasu pudi julgadu, juisisKap 16.18-20; Sir 19.15 na da roson pa kil ki justu, e na kondena kil ku ten kulpa.

2Si ki kulpadu mersi suti, juis na pul pa i dita, i na manda sutal si dianti ku ki numeru di ŝikotiada ku markadu konformi si krimi,

3ma i ka pudi dal mas di ki korenta ŝikotiada2 Kor 11.24 pabia, si i manda dal mas di ki kila, bu ermon na fika disgrasadu na uju di jinti.

4Ka bu mara boka di turuDit 12.10; 1 Kor 9.9; 1 Tim 5.18 ku sta na tarbaju di masa arus.

5Si ermons mora juntu, un delis muri sin i ka disa fiju, si viuva ka dibi di kasa fora di familia. I obrigason di si kuñaduKum 38.8-10; Rut 1.12-13; 3.9; 4.5; Mat 22.24 pa tomal, i kasa ku el.

6Purmeru fiju ke padi na sta na nomi di si ermon ku muri, pa si nomi ka pirdi na Israel.

7Si si kuñadu ka misti kasa ku el, ki viuva na bai pa garandis na porton di prasa, i na fala: “Ña kuñadu nega pui pa nomi di si ermon kontinua na Israel; i ka misti fasi si dever ku mi.”

8Garandis di prasa na comal, e papia ku el. Si i kontinua nega i fala: “N ka misti kasa ku el,”

9viuva di si ermon na bai pa el, dianti di garandis, i na tiral sapatuRut 4.7-8 na pe, i na kuspil na rostu, i fala: “Asin ki ta fasidu ku omi ku nega da si ermon un jorson.”

10Jorson di ki omi i na comadu na Israel: “Familia di diskalsadu.”

11Si dus omi na geria, minjer di un delis ciga pa libra si omi na mon di ki utru ku na sutal, si kontra i distindi mon, i pega na omi na kau ki ka dibi di toka,

12bu na kortal mon; bu ka na ten pena del.

Pesu ku midida justu

13Ka bu tene dus pesu diferentiSir 19.35-36; Dit 11.1; 20.10,23; Ez 45.10-11; Os 12.7; Mik 6.11 na bu bolsu, un pa pesa kusas di kumpra, utru pa pesa kusas di bindi.

14Ka bu tene dus litru diferenti na bu kasa, un garandi, un pikininu.

15Bu na tene pesus ku mididas justu, pa bu pudi tarda na tera ku SIÑOR bu Deus na dau.

16SIÑOR bu Deus nuju tudu jinti ku ta fasi nogos na tarpasa.

Amalek na kabadu ku el

17Lembra di ke ku amalekitas fasiu na kamiñu oca ku bu na bin di Ejitu.

18Ocau kansadu, sin forsa, e sai pa bo na kamiñu, e atakau di tras, e mata ki frakus ku ka pudiba janti. E ka sinti medu di Deus.

19Ora ku SIÑOR bu Deus dau diskansu di tudu bu inimigus na roda, na tera ki na dau pa bu tenel suma yardansa, bu ten ku pui nomi di amalekitasSai 17.14-16; 1 Sam 15 diskisidu di un bias na mundu. Ka bu diskisi!