Salmus 88 - Portuguese Creole Bible, Guinea-Bissau

Kantiga, salmu di fijus di Koré, pa ŝef di musika. Konformi Maalat Leanot. Nsinamentu di Eman, ezraita.

1SIÑOR, Deus ku ta salban.

di diaLuk 18.7 ku di noti N ta comau pa sakur.

2N misti pa ña orason ciga bu dianti;

para bu orejaKap 18.6 nkuantu N na yalsa fála.

3N sta fartu di mal,

tok N ciga ja pertu di mortu.

4N pudu na konta di kilis ku na ria ja pa koba.

N sedu suma omi sin forsa,

5ku pudu juntu ku mortus,

suma kilis ku matadu, e dita na koba.

Bu ka ta lembra mas delis;

bu mon ka ta juda elis.

6Bu pun na koba mas fundu,

na kau sukuru la bas.

7Bu raiba na pesa riba di mi,

bu batin suma maron ku pasa riba di mi.

Sela

8Bu tira ña amigus lunjuKap 88.18; Jo 19.13 di mi,

bu fasin nujenti pa elis.

N sta prezu, N ka pudi kapli.

9Ña uju sta frakuKap 6.7 pabia di sufrimentu.

SIÑOR, N yalsa ña fála kada dia, N comau,

N distindi ña mon pa bo.

10Nta bu ta fasi milagris pa mortus?

O mortus na lanta pa ngabau?

Sela

11La na koba di mortu

jinti ta konta di bu bondadi?

O na kau di danu e ta konta

kuma abo i fiel?

12Bu milagris ta sibidu na kau sukuru?

O kusas bon ku bu fasi e ta

sibidu na tera di diskisimentu?

13Ma ami, SIÑOR, N ta comau pa sakur;

di mandrugada ña orason ta bai pa bo.

14SIÑOR, ke ku manda bu negan?

Kuma ku bu ta sukundi bu rostu di mi?

15Disna di ocan rapas N sufri ciu,

N sta kuas pa muri.

Ora ku N sufri bu kastigu meduñu, N ta fika tarpajadu.

16Bu raiba forti na pasa riba di mi;

bu kastigu meduñu na kaba ku mi.

17I ta tajan suma yagu tudu dia;

i ta pertan di tudu ladu.

18Bu lunjusiKap 88.8 di mi ña amigus ku kumpañeris;

gosi ja, i sukuru ku sedu ña amigu mas pertu.