Ripitison di Lei 9 - Portuguese Creole Bible, Guinea-Bissau

Disobdiensia di israelitas

1O Israel, i ka na tarda, bu na kamba Jordon pa yentra pa tira nasons mas ciu i mas forti di ki bo; se prasas i garandi, ku muras altu te na seu.

2Jinti di la e sedu forti, altu, fijus di jigantis;Num 13.22,28; 2 Sam 21.16 bu sibi aserka delis, bu obi ditu ku fala: “Kin ku pudi firma kontra fijus di jigantis?”

3Ma aos bu pudi sibi sertu di kuma SIÑOR bu DeusKap 1.30; 4.24; 7.1-2,16,23-24; 20.4; 31.3-6; Jos 3.11; Is 41.10-16; Eb 12.29 na kamba bu dianti, suma fugu ku ta kaba ku tudu. I na kaba ku elis, i bati elis bu dianti. Asin bu na bota elis fora, bu na kaba ku elis kinti-kinti, suma ku SIÑOR falau.

4Dipus ku SIÑOR bu Deus tira elis fora bu dianti, ka bu pensa na bu kabesa, bu fala: “I pabia ami i algin justu ku manda SIÑOR yentrandan ne tera pa N tenel.” Nau, i ka kila! SIÑOR na tira ki nasonsKap 8.17; 18.12; Sir 18.24-25; Titu 3.5 fora bu dianti pabia di se maldadi.

5I ka pabia di kuma bu justu o bu tene korson retu ku manda bu na bai yentra pa tene ki tera, ma i pabia di maldadi di ki nasons ku SIÑOR bu Deus na bota elis fora bu dianti; tambi i pa kumpri palabra ku SIÑOR bu Deus jurmenta pa bu papesKum 12.7; At 3.25 Abraon, Isak ku Jakó.

6Ntindi diritu kuma, i ka pabia bu sedu justu ku pui SIÑOR bu Deus i na dau e bon tera pa bu tenel, pabia abo i un pobu ku risuKap 9.13; Sai 32.9; Ez 2.4 kabesa.

Bakasiñu di uru(Sai 32)

7Ba ta lembra de kusa; nunka ka bu diskisi del, manera ku bu pui SIÑOR bu Deus raiba na lala. Disna di ki dia ku bo sai di Ejitu tok bo ciga li ne lugar, bo sedu rebeldiKap 31.27; Sai 14.11; Sal 78.8; 95.8-11 pa SIÑOR.

8Tambi na Oreb bo pui SIÑOR raiba dimas tok i staba pruntu pa kaba ku bos.

9Oca ku N subi na monti pa risibi taguas di pedra, ku sedu taguas di ki kontratuSai 24.12,15,18 ku SIÑOR fasi ku bos, N fika na monti korenta dia ku korenta noti, N ka kume pon, nin yagu N ka bibi.

10SIÑOR Deus dan ki dus tagua di pedra ki skirbi nelis, ku si dedu, tudu ki palabra ki papia ku bos la na metadi di fugu na monti, na ki dia ku bo juntaba.

11Asin, na kabantada di ki korenta dia ku korenta noti, SIÑOR dan ki dus tagua di pedra ku kontratu skritu nel.

12SIÑOR falan: “Ria ne kau kinti-kinti, pabia bu pobu ku bu tira di Ejitu e bida kuruptu. E disvia sedu di ordis ku N da elis, e kumpu un idulu di uru pa i sedu se deus.”

13Tambi SIÑOR falan: “N jubi e pobu, N oja kuma e risu kabesa.Kap 9.6

14Disan pa N kaba ku elis, pa se nomi ka lembradu masKap 29.20; Num 14.12 na mundu; N ta fasiu un nason mas forti i mas ciu di ki elis.”

15N rabida, N ria na monti ku na yardiba ku fugu; N pega ki dus tagua di kontratu ku ña dus mon.

16N jubi, N oja kuma bo pekaba kontra SIÑOR bo Deus. Bo kumpuba un idulu di uru na forma di bakasiñu. Bo disviaba sedu di ordis ku SIÑOR da bos.

17N pega na ki dus tagua, N ferca elis na con, N kebra-kebra elis dianti di bo uju.

18N kai, N mborka dianti di SIÑOR pa mas korenta dia ku korenta noti; N ka kume pon, nin yagu N ka bibi, pabia di tudu pekadu ku bo fasiba, manera ku bo fasi mal dianti di SIÑOR pa pul pa i raiba.

19N sinti medu pabia di forti raiba ku SIÑOR tenba kontra bos, tok i staba pruntu pa kaba ku bos, ma SIÑOR torna obin utru bias.

20SIÑOR tenba tambi raiba forti kontra Aron, tok i staba pruntu pa matal, ma na ki mesmu tempu N ora pa Aron tambi.

21N toma ki bakasiñu ku bo kumpu, ki garandi pekadu ku bo fasi, N kemal na fugu, N masal, N pilal tok i foriñadu; N bota si puera na riusiñu ku na kuriba na montaña.

22Bo torna lantanda raiba forti di SIÑOR na Tabera, tambiSai 17.7; Num 11.1-3,34 na Masá ku na Kibrot-Ataavá.

23Dipus, oca ku bo stabaNum 13.26 na Kades-Barneia, SIÑOR da ordi i fala bos: “Bo bai bo toma tera ku N da bos.” Ma bo nega obi ordi di SIÑOR bo Deus, bo ka fia nel, nin bo ka obdisil.

24Bo sedu rebeldiV 7 kontra SIÑOR disna di purmeru dia ku N kunsi bos.

25N fika mborkadu dianti di SIÑOR duranti ki korenta dia ku korenta noti, pabia SIÑOR falaba kuma i na bin kaba ku bos.

26N ora SIÑOR, N falal: “SIÑOR Deus, ka bu kaba ku bu pobuKap 7.8; 26.8; 32.9; Sai 15.13; Sir 22.33 ku sedu bu yardansa, ku bu kaplinti ku bu garandi puder, bu tira di Ejitu ku bu mon forti.

27Lembra di bu servus Abraon, Isak ku Jakó. Ka bu jubi pa risu kabesa de pobu, nin pa se maldadi, nin pa se pekadu,

28pa ka pobu di tera ku bu tiranu nel bin fala: ‘SIÑOR ka pudiba yentranda elis na teraNum 14.15-16; Jos 7.7-9 ki fala i na da elis; i aburisi delis; e ku manda i tira elis pa bin mata na lala.’

29Elis e sedu bu pobu, bu yardansa,Kap 9.26; 4.20,34; Ne 1.10 ku bu distindi mon bu tira ku bu garandi forsa.”