Jeremias 15 - Portuguese Creole Bible, Guinea-Bissau

1SIÑOR falan: “Mesmu ku Moisés ku SamuelSai 32.11; 1 Sam 7.8-9; 12.23; Sal 99.6; 106.23 firmaba ña dianti, ña korson ka na baiba pa e pobu. Tira elis ña dianti pa e bai.

2Si e puntau nunde ke na bai, bu ta fala elis kuma, asin ku SIÑOR fala:

‘Kilis ku distinaduKap 43.11; Ez 5.12; Zak 11.9 pa mortu

e ta bai pa mortu!

Kilis ku distinadu pa spada

e ta bai pa spada!

Kilis ku distinadu pa fomi

e ta bai pa fomi!

Kilis ku distinadu pa katiberasku

e ta bai pa katiberasku!’ ”

3SIÑOR fala: “N na bin pa elis ku kuatru tipu di kastigu: spada pa mata elis, kacur pa rasta elis, kacusKap 7.33; Lei 28.26 pa kume elis ku limarias di matu pa nguli kil ku sobra.

4N na ntrega elis pa e sedu un spetakulu meduñu pa tudu renusKap 24.9; 29.18; Lei 28.25 di mundu, pabia di tudu ku2 Re 21.11; 23.26; 24.3-4 Manasés, fiju di Ezekias, rei di Judá, fasi na Jerusalen.

5“O Jerusalen, kin ku na ten penaIs 51.19 di bo?

Kin ku na fika tristi pabia di bo?

Kin ku na panti pa punta kuma ku bu sta?

6BuKap 2.13 disan, bu riba tras;

asin N na distindi ña mon kontra bo,

N na kaba ku bo;

N kansa sinti pena di bo.

7N na feki bos ku kabas na portons di kontrolu;

N mata bo fijus, N kaba ku bos, ña pobu,

pabia bo ka disa bo manera di yanda.

8N fasi bo viuvas mas ciu

di ki reia di mar.

Me-dia N tisi un danadur

riba di mame di jovens;

di repenti N pui foronta ku medu

pa i kai riba delis.

9Mame di seti fiju na dismaja,

i kansa pa da folgu;

si sol kaiAm 8.9 nkuantu i di dia inda;

i fika ku borgoña ku kunfuson.

Kilis ku ka muri inda,

N na ntrega elis pa spada

dianti di se inimigus.”

Asin ku SIÑOR fala.

10Ai di mi, ña mame! Ke ku manda bu padiKap 20.14; Jo 3.1-5 un omi ku tudu jinti di tera ta jusia ku el? Nunka N ka pista ningin ku juru, nin N ka dibi ningin, ma kada un delis na maldisuan.

11SIÑOR fala: “Na bardadi, N na fortifikau pa ben; N na pui bu inimigus pa e bin pa bo ku pididus na tempu di kastigu ku sufrimentu.

12“Nta algin pudi kebra feru, ki feru di norti, o bronzi?

13N na ntrega bu bens ku bu rikesas pa inimigus furta elis, sin paga, pabia di tudu bu pekadus na tudu ladu de tera.

14N na pui pa bu bai prezu na mon di bu inimigus pa un teraKap 16.13; 17.4 ku bu ka kunsi, pabia ña raibaLei 32.22 i na sindi un fugu ku na yardi riba di bos.”

15SIÑOR, abo ku sibi; lembra di mi, bu toma konta di mi, bu torna vingansaKap 11.20; 20.12 pa jinti ku na pirsigin. Ten pasensa, ka bu rabatan. Bu sibi kuma N kobadu malSal 69.7 pabia di bo.

16Oca ku bu papia ku mi, N kume buJo 23.12; Sal 119.103; Ez 2.8–3.3; Apok 10.9-10 palabras; e dan kontentamentu ku pas na ña korson, pabia N comadu na bu nomi, o SIÑOR Deus ku ten tudu puder.

17Nunka N ka sinta juntuSal 1.1 ku kilis ku sta na brinkadera, nin N ka ri ku elis. N sinta ami son pabia bu mon staba riba di mi; bu incinba raiba.

18Ke ku manda ña dur ka ta kaba, ña cagaKap 30.12,15 na den, i ka seta san? Nta bu na sedu pa mi suma riusiñuJo 6.15 ku ta ngana, pabia si yagu ta seku?

19SIÑOR falan: “Si bu riba, N na setau suma ña servu. Si bu papia bon palabra te pa bu papia mal, bu ta sedu ña anunsiadur. Disa elis e riba pa bo, ma ka bu bai pa se ladu.

20N na pou kontra e pobu suma muraKap 1.18 forti di bronzi. E na geria kontra bo ma e ka na ngañau, pabia N sta ku bo pa guardau, pa librau delis. I ami, SIÑOR, ku fala.

21N na rabatau na mon di jinti mau, N na librauKap 20.11 di puder di omis violentu.”