Tiagu Introduson - Portuguese Creole Bible, Guinea-Bissau

IntrodusonI pensadu kuma autor de libru i Tiagu, ermon di Jesus (Mat 13.55). Na kumsada i ka fiaba na Jesus (Jon 7.5), ma i ojal dipus di resureison (1 Kor 15.7). I junta ku disipulus antis di Pentekostis (At 1.14). I bin sedu presidenti di igreẑa na Jerusalen (At 12.17; 15.13; 21.18; Gal 1.19; 2.9,12). Konformi utru librus, ŝefis di judeu matal na Jerusalen.Si karta inci ku nsinamentus pa pui na pratika. Kusa ki skirbi aserka di fe ku obras (2.14-26) i ka sta kontra nsinamentu di Paulu kuma salbason i son pa fe, i ka pabia di kusas ku no fasi. Tiagu misti mostra kuma, si no ten fe, i dibi di ojadu na kusas ku no ta fasi. Jon Batista falaba: “Bo mostra na bo manera di yanda kuma na bardadi bo ripindi.” Fe ku obras i suma dus ladu di mesmu mueda.