Jon 15 - Portuguese Creole Bible, Guinea-Bissau

Union di Jesus ku krenti

1“Ami i pe di uva di bardadi; ña Pape i labradur.

2I ta korta tudu ramuMat 15.13 ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

3Abos bo sta ja limpuKap 13.10; Ef 5.26; 1 Ped 1.22 pabia di palabra ku N fala bos.

4Bo sta naEf 3.17; Kol 1.23; 2.7; 1 Jon 2.6 mi, ami N ta sta na bos. Suma ku ramu, el propi, ka ta pudi padi si i ka sta na si pe, asin tambi abos, si bo ka sta na mi.

5“Ami i suma pe di uva, abos i ramus. Kin ku sta na mi, ami N sta nel, i ta padi frutuOs 14.8; Fil 1.11; 4.13 ciu, pabia sin mi bo ka pudi fasi nada.

6Kin ku ka sta na mi i na botadu fora, suma ramu; i ta seku. E koldadi i ta kujidu, i botadu na fuguMat 3.10; 7.19 pa i kema.

7Si bo sta na mi, ña palabra sta na bos, bo ta pidiKap 15.16; 14.13-14 tudu kil ku bo misti; i ta fasidu pa bos.

8Ña PapeMat 5.16; Fil 1.11 ta glorifikadu si bo padi frutu ciu. Asin bo ta sedu ñaKap 8.31 disipulus.

9Suma ku ña Pape aman, ami tambi N ama bos; bo kontinua na ña amor.

10Si bo obdisi ña mandamentus, bo ta kontinua na ña amor, di mesmu manera ku N obdisi mandamentus di ña Pape, N kontinua na si amor.

11“N konta bos e kusa pa ña alegriaKap 16.24; 17.13; 1 Jon 1.4 sta sempri na bos, pa bo alegria sta kompletu.

12Es i ña mandamentu: pa bo ama ŋutruKap 15.17; 13.34; Ef 5.2 suma ku N ama bos.

13Ningin ka ten amor mas garandi di ki es, di da si vidaRom 5.7-8; 1 Jon 3.16 pa si amigus.

14Bo ta sedu ña amigus si bo fasiMat 12.50 ke ku N manda bos.

15N ka na coma bos mas di servus, pabia servu ka ta sibi ke ku si Siñor ta fasi; ma N na coma bos amigus, pabia N konta bosKum 18.17 tudu ku N obi di ña Pape.

16Abos bo ka kujin, ma i ami ku kujiKap 6.70 bos, N coma bos pa boMat 28.19 bai, bo padi frutu, pa bo frutu fika ntidu, pa Pape pudi da bos tudu ku bo pidil na ña nomi.

17Kusa ku N na manda bos i pa bo amaKap 15.12 ŋutru.

18“Si jinti di mundu na nfastiaKap 17.14; Mat 10.22; 1 Jon 3.13 bos, ka bo diskisi kuma, purmeru, antis di bos, e nfastian tambi.

19Si bo seduba di1 Jon 4.5 mundu, mundu ta ama kil ki di sil, ma suma abos i ka di mundu, ma ami N kuji bos na mundu, e ku manda jinti di mundu ta nfastia bos.

20Bo lembra de palabra ku N fala bos kuma, servuMat 10.24 i ka mas garandi di ki si patron. Si e pirsigin, e na pirsigi bos tambi; si e obdisi ñaEz 3.7 palabra, tambi e na obdisi di bos.

21E na fasi bos tudu e kusas pabia di mi, suma e ka kunsi kil ku mandan.

22Si ami N ka binba, nin N ka fala ku elis, e ka ta tenba kulpaKap 9.41; Rom 1.20; Tia 4.17 na se pekadu, ma gosi e ka ten diskulpa di se pekadu.

23Kin ku ta nfastian i ta nfastia ña Pape1 Jon 2.23; 2 Jon 9 tambi.

24Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

25I pa i pudi sedu suma ki sta skritu na se lei: ‘E nfastian sinSal 35.19; 69.4 roson.’

26Ora ku JudadurKap 14.16,26; At 2.33 bin, ku N na bin manda bos di parti di ña Pape, ki Spiritu di bardadi1 Jon 5.6 ku ta bin di ña Pape, el i na konta aserka di mi.

27Abos tambi bo naAt 1.8 konta, pabia bo sta sempri ku mi disnaLuk 1.2; 1 Jon 1.1-2 di kumsada.