Romanus 9 - Portuguese Creole Bible, Guinea-Bissau

Deus ku si pobu

1N na konta bardadi. Ami i di Kristu, N ka ta kontaKap 1.9; 2 Kor 11.31; Gal 1.20; 1 Tim 2.7 mintida. Ña konsiensia, bas di puder di Spiritu Santu, i na konfirma ña palabra,

2kuma N ten garandi tristesa ku dur ku ka ta kaba na ña korson,

3tok N ta tenba vontadi di sta bas di praga, separaduSai 32.32 di Kristu, pa amor di ña ermons ku sedu ña parentis di sangi.

4I elis ku sedu israelitas; Deus fasi elis siSai 4.22; Lei 14.1; Luk 1.72-73; At 3.25 fijus, i rapati gloria ku elis, i fasi kontratu ku elis, i da elis lei; i elis ku ten sirmonia di bardadi, ku purmesas.

5I elis ku sai na jorsonKap 1.3,25; 11.28; Lei 10.15; Jon 1.1; Eb 1.8; 1 Jon 5.20 di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

6I ka suma palabra di Deus maina. I ka tudu kilis ki di sangi di IsraelKap 2.28-29; 4.12,16 ku sedu israelita,

7nin i ka tudu ki fiju di Abraon pabia i sedu di si jorson, ma Deus fala Abraon: “I fijus di IsakKum 21.12 ku na comadu bu jorson.”

8Ke ku N misti fala: i ka fijus di sangi di Abraon ku ta sedu fijus di Deus, ma i fijus ku Deus falaba del ku kontadu suma si jorson.

9Purmesa ku Deus dalba i es: “Na tempu markadu N na bin; SaraKum 18.10,14 na tene un fiju.”

10I ka son es, ma Rebeka tambi i teneba bariga di un omi ku sedu Isak no pape.

11-12Deus falal kuma mas garandiKum 25.23 i na sirbi mas pikininu. I fala es antis di mininus padidu, oca e ka fasi nin ben nin mal, pa planu di Deus pudi sedu firmi; i ka pabia di kusas ku mininus fasi, ma i suma ku Deus kuji, i coma.

13Skritura fala: “N ama JakóMal 1.2-3 ma N pui Esaú aparti.”

14Ke ku no na fala gora? Nta Deus iLei 32.4; 2 Kron 19.7 injustu? Nau, i ka injustu.

15I fala Moisés: “N ta ten miserikordiaSai 33.19 di kil ku N misti ten; N ta ten pena di kil ku N misti ten.”

16I ka ta sedu konformi kil ku omi misti, o ki fasi, ma i konformi miserikordia di Deus.

17Na Skritura Deus falaSai 9.16; Dit 16.4 Faraó: “E ku manda N lantandau, pa N mostra ña puder na bo, pa ña nomi kontadu na tudu mundu.”

18Asin Deus ta ten pena di kil ki misti; si i misti i ta fasi algin korson duru.

Kastigu ku miserikordia di Deus

19Bu pudi puntan: “Ke ku manda Deus na oja inda kulpa na omi? Kin ku pudi nega si vontadi?”

20Abo i kin, omi, ku na diskuti ku Deus? Nta putiIs 29.16 ta punta kil ku kumpul: “Pabia di ke ku bu kumpun de manera?”

21O kumpudurJer 18.4; 2 Tim 2.20 di puti ka ten diritu pa toma un bokadu di lama pa i fasi un puti di mas balur, i fasi utru tambi ku menus balur?

22Ke ku no ten ku fala si Deus misti mostra si raiba, i misti tambi pa jinti kunsi si puder? El i sufri ku manga di pasensa kilis ku mersiba kastigu, ku na bai pa pirdison.

23I misti tambi mostra rikesaKap 8.28-30; Ef 1.7; 3.16; Fil 4.19 di si gloria na nos ki ten pena del, kilis ki purpara disna pa risibi e gloria.

24Deus comanu tambi,Kap 3.29-30 i ka son na metadi di judeus, ma tambi na metadi di jintius.

25I el ku Deus fala na libru diOs 2.23 Oseias:

“Kilis ku ka seduba ña pobu,

N na coma elis ‘ña pobu.’

Rasa ku N ka kiriba,

N na comal ‘ña kiridu.’ ”

26I falaOs 1.10 tambi:

“Na ki kau ki faladuba: ‘Abos i ka ña pobu,’

la ke na comadu: ‘fijus di Deus bibu.’ ”

27Oca IsaiasIs 10.22-23 na konta di Israel, i yalsa vos, i fala:

“Nin ku pobu di Israel sedu ciu suma reia di mar,

ma un bokadu son ku na sedu salbu,

28pabia Siñor i ka na tarda fasi si justisa kompletu

riba di tudu mundu.”

29I suma ku IsaiasIs 1.9 tarda fala:

“Si Siñor ku ten tudu puder ka disanuba jorson,

no na bidaba suma Sodoma,

no na parsiba ku Gomora.”

30Ke ku no na fala gora? No na fala kuma jintius ku ka na buskaba sedu justu, e bin ojadu justuKap 1.17; 4.11; 10.20 pabia di se fe,

31ma pobu di Israel, ku pega tras di lei pa e pudi ojadu justu, e kaKap 11.7; Gal 5.4 yangasal.

32Pabia di ke? Pabia e ka buskal ku fe, ma e na lida pa buskal ku kusas ke ta fasi. E mbaransaLuk 2.34 na “pedra di da tapada”,

33suma ki sta skritu:

“Bo oja, N na pui na Sion un pedraSal 118.22; Is 8.14; 28.16; Mat 21.42 di da tapada,

un roca ku na pui elis kai.

Kin ku fia nel ka na fika kuKap 10.11 borgoña.”