Naun Introduson - Portuguese Creole Bible, Guinea-Bissau

IntrodusonKumsada 10.11-12 kontanu kuma Ninrod kumpu Ninive, ku bin sedu kapital di Asiria. Na 2 Re 15.19 no lei kuma Pul, rei di Asiria, bai kontra Israel. Di la, Asiria torna kada bias mas forti, tok i seduba un imperiu garandi. Na tempu di Jonas e ripindi, e fika ketu duranti anus, ma e bin torna lanta mas. Tudu jinti di Israel (renu di norti) e lebadu katibu pa Asiria (2 Re 17). Rei Senakerib ataka Judá, i misti toma Jerusalen, ma Deus tujil (2 Re 18.13—19.37). E kontinua sedu un nason orgulyosu; Ninive seduba prasa mas forti di mundu.Na tempu di Naun, talves duranti renansa di Josias o un bokadu mas sedu, No-Amon, prasa forti di Ejitu, i ngañadu. Naun konta kuma Deus na kaba ku Ninive tok nada ka na sobra. Kuas na kabantada di tempu di Josias, tropas di Babilonia ku di Media e ataka Ninive, e danal tok ningin ka pudi rapara kuma prasa staba la.