2 Samuel 2 - Portuguese Creole Bible, Guinea-Bissau

Davi unjidu rei di Judá

1Mas tardi Davi konsulta SIÑORNum 27.21 i punta: “N dibi di bai pa un prasa di Judá?” SIÑOR falal pa i bai. Davi puntal pa nunde ki na bai. SIÑOR falal: “PaJos 14.15 Ebron.”

2Asin Davi bai pa la, tudu ku si dus minjer, Ainoan di Jizreel ku Abigail, viuva di Nabal, di Karmelu.

3Davi leba tambi ki omis1 Sam 27.2-3; 1 Kron 12.1 ku staba ku el, kada kin ku si familia. E bai fika na Ebron ku prasas na roda.

4Omis di Judá bai unji Davi suma rei di jorsonKap 5.3,5,17; 1 Sam 16.13 di Judá.

Oca Davi kontadu kuma, i omis di Jabes-Jilead ku ntera Saul,

5i manda jinti ku rekadu pa e bai fala elis: “SIÑOR ta bensua bos1 Sam 31.11-13 manera ku bo fasi e bondadi di ntera Saul, bo mestre.

6N misti pa SIÑOR sedu bon i fiel pa bos; ami tambi N na trata bos diritu, manera ku bo fasi e kusa.

7Gosi ja, bo dibi di sedu omis forti di koraẑen. Saul, bo mestre, muri ja, ma jinti di Judá unjin rei riba delis.”

Isboset fasidu rei di Israel

8Oca ke kusas na kontisi, Abner,1 Sam 14.50 fiju di Ner, ŝef garandi di tropas di Saul, i toma Isboset,1 Kron 8.33; 9.39 fiju di Saul, i kamba Jordon ku el pa Maanain,Jos 13.26

9i fasil rei riba di Jilead,Jos 17.1 ku jinti di Asuri, Jizreel,Jos 17.16 Efrain, Benjamin ku tudu Israel.

10Isboset, fiju di Saul, i teneba korenta anu oca ki kumsa rena riba di Israel; i rena dus anu. Ma jorson di Judá fika ku Davi,

11ku rena na Ebron riba di jorson di Judá pa seti anu ku seis mis.

Gera entri jorson di Judá ku restu di Israel

12Abner, fiju di Ner, juntu ku omis di Isboset, fiju di Saul, e sai di Maanain, e bai pa Jibeon.Jos 9.3

13Joab,Kap 8.16; 19.13; 20.23; 1 Re 1.7; 2.28-34; 1 Kron 2.16; 18.15; 26.18 fiju di Zeruia, ku omis di Davi, e sai tambi; e bai kontra ku ŋutru lungu di laguaJer 41.12 di Jibeon, e sinta la, un grupu ne ladu, utru grupu na utru ladu.

14Abner fala Joab: “Disa utrus di no rapasis lanta pa e bin juga spadaDit 10.23 ku ŋutru no dianti.” Joab falal: “E pudi lanta.”

15Asin e lanta; e fasi konta di dozi rapas di jorson di Benjamin di ladu di Isboset, fiju di Saul, ku dozi rapas di ladu di omis di Davi.

16Kada kin pega kabesa di kil ki na lutaba ku el, i fidil ku spada na pontada; asin elis tudu e kai mortu. E ku manda e coma ki lugar lungu di Jibeon Kampu di Spada.

17I bin ten un gera meduñu na ki dia, ma omis di Davi ngaña Abner ku omis di Israel.

18Tris fiju di Zeruia staba la, ku sedu Joab, Abisai ku Asael.Kap 23.24; 1 Kron 2.15-16; 27.7 Asael, ku seduba lestu na kuridaEkl 9.11 suma kabra-matu,

19i pega tras di Abner, i ka jingi, nin pa direita nin pa skerda.

20Abner jubi pa tras, i puntal: “Es i abo, Asael?” I falal: “I ami.”

21Abner falal: “Para serkan, bu pega tras di kualker rapas, bu pañal, bu toma si feramentus di gera.” Ma Asael nega sai si tras.

22Abner torna falal: “Para serkan. Pabia di ke ku bu na pun2 Re 14.10-12 pa N matau? Si N fasi asin, ku kal rostu ku N na jubi bu ermon Joab?”

23Suma Asael nega sai si tras, Abner rabida mon pa tras, i fidil ku kañaku na bariga, tok i sai tras. I kai la na ki mesmu kau, i muri. Tudu algin ku ciga nunde ku Asael dita mortu, i ta paraba la.

24Joab ku Abisai pega tras di Abner. Oca sol na kai, e ciga na monti di Amá, ku sta dianti di Jia, lungu di kamiñu ku ta bai pa lala di Jibeon.

25Fijus di Benjamin junta tras di Abner, e toma pusison di gera la riba di un monti.

26Abner grita pa Joab, i puntal: “Nta spada na kontinua mata pa sempri? Bu ka sibi kuma kabantada de gera i na sedu son kasabi? Kal tempu ku bu na fala bu jinti pa e para serka se ermons?”

27Joab falal: “N jurmenta na nomi di Deus bibu kuma, si bu ka falalba, ña jinti ka na paraba serka se ermons tok sol mansi.”

28Asin Joab toka korneta; tudu si omis para serka Israel, e ka geria mas.

29Abner ku si omis e yanda tudu ki di noti na kobon, e kamba Jordon, e yanda tambi tudu ki parmaña, e ciga na Maanain.

30Dipus di Joab para serka Abner, i junta tudu si tropas, i oja kuma, fora di Asael, disanovi omi falta na ladu di Davi.

31Ma tropas di Davi mataba trizentus i sesenta omi di tropas di Abner, di jorson di Benjamin.

32Joab ku si omis lambu Asael, e bai nteral na koba di si pape, na Belen; e yanda tudu ki di noti, e ciga na Ebron oca sol na mansi.