1Oca Mardokeu bin sibi tudu ke ku pasa, i rumpiKum 37.29; Jo 1.20; 2.12; Jer 36.24; Joe 2.13 si ropa, i bisti saku, i pui sinsa1 Sam 4.12 na kabesa, i sai na metadi di prasa, i na grita risu ku dur.
2I ciga son te na porton di rei, pabia algin ku bisti saku ka pudi yentra dentru.
3Na tudu ki pruvinsias nunde ku ki ordi di rei ciga, i tenba garandi kasabi na metadi di judeus. E junjuŋa, e cora, e miskiña; manga delis dita na sakuDan 9.3; Jona 3.6 ku sinsa.
4Oca bajudas ku funsionarius di Ester kontal aserka di Mardokeu, raiña fika ku garandi dur. I manda ropa pa Mardokeu bisti, pa tiral ki saku, ma el i nega risibi elis.
5Ester coma Atak, un funsionariu ku rei puiba na sirvis di raiña, i mandal pa i bai sibi ke ku na pasaba ku Mardokeu, i pabia di ke.
6Atak bai pa Mardokeu na kau publiku di prasa dianti di porton di rei.
7Mardokeu kontal tudu ke ku kontisi ku el, suma tambi kuantia di prata ku Aman fala i na pui na kofri di rei pa kaba ku tudu judeus.
8Tambi i dal un kopia di ki lei ku skirbidu, i publikadu na Susan, pa kaba ku judeus; i falal: “Mostra raiña Ester el, bu splikal; tambi bu ta mandal pa i bai pa rei, i roga, i pidil pa i ten miserikordia di si pobu.”
9Atak riba i konta Ester tudu palabra ku Mardokeu falal.
10Ester manda Atak pa i bai fala Mardokeu:
11“Tudu servus di rei ku pobu di si pruvinsias e sibi diritu kuma, kualker omi o minjer ku yentra nunde rei, na ki kau dentru di si jardin, sin i ka comadu, i ten un lei son; ki algin na muri, son si rei distindi pa el ki bingala di uru, pa salba si vida. Ma i pasa ja trinta dia ku N ka comadu pa yentra nunde rei.”
12Oca palabra di Ester kontadu pa Mardokeu,
13i manda Ester e rasposta: “Ka bu pensa kuma bu ten speransa di kapli la na kasa di rei mas di ki tudu judeus,
14pabia, si bu kala boka ne tempu, ajuda ku libertason na bin pa judeus di utru ladu, ma bu na muri, tudu ku familia di bu pape. Kin ku sibi? Talves i pa un tempu suma es ku manda bu sedu raiña.”
15Ester da rasposta pa e leba pa Mardokeu, e falal:
16“Bai, bu junta tudu judeus ku sta na Susan, bo junjuŋa pa mi; ka bo kume nin bibi pa tris dia, nin di dia nin di noti. Asin ku ami ku ña bajudas tambi no na junjuŋa. Dipus N na bai nunde rei, mesmu ki ka sedu konformi lei. Si i pa N muri, N ta muri.”
17Asin Mardokeu bai i fasi tudu konformi Ester mandal.
Who We AreWhat We EelieveWhat We Do
2025 by iamachristian.org,Inc All rights reserved.
