1 Reis 17 - Portuguese Creole Bible, Guinea-Bissau

Korvus tisi kumida pa Elias

1Elias, di Tisbe na Jilead, fala Akab: “N jurmenta pa vida di SIÑOR Deus di Israel, kil ku N ta sirbi, kuma, ne anus ku na bin, i ka na ten nin serenuTia 5.17; Apok 11.6 nin cuba tementi N ka fala pa i cubi.”

2Dipus SIÑOR papia ku el, i falal:

3“Sai li, bu bai pa ladu di saida di sol, bu sukundi lungu di riusiñu di Kerit, na utru banda di Jordon.

4Bu na bibi yagu di riu; N manda ja korvus pa e lebau kumida la.”

5Asin i obdisi palabra di SIÑOR, i bai fika lungu di riu di Kerit na utru banda di Jordon.

6Korvus bin ta tisil pon ku karni parmaña ku di noti; i ta bibiba yagu di riu.

7Tempu pasa; riu bin seku pa falta di cuba.

Viuva di Zarefat

8SIÑOR bin papia ku Elias, i falal:

9“Lanta, bu bai pa Zarefat,Ob 20; Luk 4.25-26 prasa di Sidon, bu fika la. N manda ja un minjer viuva pa i ba ta dau di kume.”

10I lanta i bai pa Zarefat. Oca ki ciga na porton di prasa, i oja la un minjer viuva ku na kujiba leña. I comal i falal: “Di fabur, ranjan un kaneka di yaguKum 24.17; Jon 4.7 pa N bibi.”

11Oca ki na bai pa bai tisil, i torna comal, i falal: “Tisin tambi un padas di pon na mon.”

12Minjer falal: “N jurmenta pa vida di SIÑOR bu Deus kuma N ka tene nin un padas di pon, son un mon di foriña na un jaru, ku un bokadiñu di azeiti na garafa. Alin li N bin pa kuji dus po di leña pa N bai kusña pa mi ku ña fiju, pa no kumel antis di no muri.”

13Elias falal: “Ka bu medi. Bai fasi kil ku bu fala, ma purmeruMat 19.21; Jon 6.9-11; Eb 11.17-19 bu ta kumpun un pon pikininu na kil ku bu tene, bu tisin el pa fora; dipus, bu ta kusña pa bo ku bu fiju,

14pabia asin ku SIÑOR Deus di Israel fala: ‘Foriña na jaru ka na kaba, nin azeiti na garafa ka na falta,2 Re 4.42-44 te na dia ku SIÑOR manda cuba na tera.’ ”

15Minjer bai, i fasi konformi Elias falalba. Asin el ku si familia ku Elias e teneba kusa di kume pa manga di tempu.

16Foriña ka kaba na jaru, nin azeiti ka falta na garafa, suma ku SIÑOR falaba na boka di Elias.

17Ku tempu, fiju di ki minjer, dona di kasa, duensi. I fika i na piora tok i para2 Re 4.18-22; Jon 11.3-4,14 da folgu.

18Minjer punta Elias: “Omi di Deus, ke ku no ten? Bu bin pa mi pa lembranta Deus di ña pekadu, pa mata ña fiju?”

19Elias falal: “Dan bu fiju.” I tomal na si mon, i lebal pa kuartu la ribaAt 9.37 nunde ki ta moraba, i ditandal na si kama.

20I yalsa fála, i coma SIÑOR i falal: “O SIÑOR ña Deus, bu kastiga tambi e viuva ku N mora na si kasa, manera ku bu mata si fiju?”

21I distindi kurpu riba di mininu2 Re 4.33-37; At 9.40-41 tris bias, i coma SIÑOR, i fala: “O SIÑOR ña Deus, N rogau pa bu torna folgu di vida na kurpu de mininu!”

22SIÑOR obi orason di Elias; mininu kumsa na daJon 11.43-44 folgu, i lanta.

23Elias toma mininu, i ria ku el di si kuartu te dentru di kasa, i ntregal na monLuk 7.15; Eb 11.35 di si mame, i falal: “Jubi, ali bu fiju sta bibu.”

24Minjer fala Elias: “Gosi N sibiJon 3.2; 16.30 kuma abo i omi di Deus; palabra di SIÑOR ku ta sai na bu boka i bardadi.”