1SIÑOR fala Moisés:
2“N coma nomi di Bezaleel,1 Kron 2.19-20; 2 Kron 1.5 fiju di Uri, fiju di Ur, di jorson di Judá,
3N incil ku Spiritu di Deus, ku kapasidadi, ku jiresa ku kuñisimentu pa tudu tarbaju di artista,
4pa i sedu mestre di diseñu pa tarbaja ku uru ku prata ku kobri,
5pa korta pedras di balur ku na mitidu na uru, pa labra madera, tambi pa tudu tipu di tarbaju di artesanatu.
6N kuji juntu ku el Aoliab, fiju di Aisamak, di jorson di Dan. N da tambi kapasidadi pa tudu omi jiru, pa e pudi fasi tudu ku N mandau,
7ku sedu tenda di juntamentu, arka di kontratu, kubertura di miserikordia ku sta riba del, ku tudu mobilia di tenda,
8mesa ku si material, kanderu di uru puru ku tudu si material, altar di nsensu,
9altar di oferta kemadu ku tudu si material, basia ku si pe,
10ropa tisidu bonitu suma ropa sagraduKap 28.2; 35.19 di saserdoti Aron, ku ropa di si fijus, pa fasi tarbaju di saserdoti,
11ku azeiti di unji, ku nsensu ku ta cera sabi pa kau sagradu; e na fasi tudu ku N mandau.”
Dia di diskansu12SIÑOR fala Moisés
13pa i papia ku fijus di Israel, i fala elis: “Bo ten ku guarda ña dias diKap 20.8-11 diskansu, pabia i sinal na metadi di mi ku bos pa sempri, pa bo sibi kuma ami i SIÑOR ku separa bos pa bo sedu ña pobu.
14Asin, bo guarda dia di diskansu pabia i sagradu pa bos. Algin ku ka tratal suma dia sagradu, ma i tarbaja nel, i na matadu.
15Seis dia bu pudi fasi bu tarbaju, ma setimu dia i sabadu di diskansu, sagradu pa SIÑOR. Algin ku fasi tarbaju na dia di diskansu i ten ku matadu.
16Asin, fijus di Israel ten ku guarda dias di diskansu suma dias sagradu, di un tempu pa utru, suma kontratu ku ka ta kaba.
17Na no metadi, ami ku fijus di Israel, i na sedu un sinal pa sempri, pabia na seis dia SIÑOR kumpu seu ku tera, ma na setimu dia i para tarbaja, i diskansa.”
Dus tagua di tustumuñu18Oca ku Deus kaba papia ku Moisés na monti Sinai, i dal dus taguaKap 24.12 di pedra nunde ku Deus skirbi lei ku si propi dedu.
Who We AreWhat We EelieveWhat We Do
2025 by iamachristian.org,Inc All rights reserved.
