2 Kronikas 24 - Portuguese Creole Bible, Guinea-Bissau

Joás da ordi pa fasi reparason di templu(2 Re 12.1-16)

1Joás1 Kron 3.11 teneba seti anu di idadi oca ki yentra na renansa, i rena korenta anu na Jerusalen. Si mame seduba Zibia di Berseba.

2I ta fasiba kil ki diritu dianti di SIÑOR tudu tempu ku saserdoti Jeoiada staba di vida.

3Jeoiada kuji dus minjer pa el; i padi fijus macu ku femia.

4Dipus di un tempu na si renansa, i sinti na si korson kuma i dibi di fasiKap 34.8-9 reparason di kasa di SIÑOR.

5I coma saserdotis ku levitas, i fala elis: “Bo sai pa tudu prasas di Judá, bo kobra jinti ki diñeru ke dibiba di paga kada anu pa reparason di kasa di bo Deus. Bo fasil gosi.” Ma levitas tarda pa fasil.

6Rei manda coma Jeoiada, se ŝef, i puntal: “Pabia di ke ku bu ka pui levitas pa e tisi mpustus di Judá ku Jerusalen, ku Moisés, servu di SIÑOR, manda pa pobu tisiSai 30.12-16 pa tarbaju di tenda di juntamentu?”

7Ki minjer mau, ku sedu Atália, si fijus rombaba kasa di Deus; te tudu kusas sagradu di kasa di Deus, e usal pa sirbi Baal.

8Rei da ordi pa mala garandi kumpudu, i pudu fora, lungu di kasa di SIÑOR.

9E anunsia na Judá ku Jerusalen pa e tisi pa SIÑOR ki oferta ku Moisés, servu di SIÑOR, falaba pa Israel la na lala pa e ba ta da.

10Tudu ŝefis ku tudu pobu e fika1 Kron 29.9; At 2.44-46; 2 Kor 8.2; 9.7 kontenti, e tisi oferta, e pul na ki mala tok i inci.

11Ora ku levitas oja kuma diñeru ciu ja, e ta lebaba ki mala pa funsionariu di rei. Sekretariu di rei ta bin, ku sugundu ŝef di saserdotis; e ta tira tudu diñeru, e ta torna ki mala na si lugar. Asin ke ta fasi kada dia; e junta manga di diñeru.

12Rei ku Jeoiada e ta ntregaba ki diñeru na mon di nkargadus di obra. Kilas ta ranja pedrerus, karpinterus, fererus ku ta tarbaja na feru ku kilis ku ta tarbaja na kobri, pa konserta kasa di SIÑOR.

13Ki nkargadus di obra e pegaba tesu, e pui tarbaju di reparason bai dianti. E torna kasa di Deus nobu, suma ki staba na kumsada; e tornal firmi i suguru.

14Oca ku obra kaba, nkargadus leba diñeru ku sobra pa rei ku Jeoiada. E usal pa fasi kusas pa sirvis na kasa di SIÑOR, suma kujeris1 Re 7.50 ku kusas di uru ku prata. Duranti vida di Jeoiada, ofertas kemadu ta sakrifikaduba na kasa di SIÑOR tudu dia.

15Jeoiada bin beju dimas, i muri ku idadi di sentu i trinta anu.

16E nteral na prasa di Davi1 Re 2.10 na simiteriu di reis, pabia di bon kusas ki fasiba pa Deus ku si kasa, na Israel.

Idulatria di Joás

17Dipus ku Jeoiada muri, ŝefis di Judá bin e mpina dianti di rei; rei sukuta elis.

18E disa kasa di SIÑOR, Deus di se papes, e bai adora idulus di Aserá ku utru imaẑens. Pabia di se kulpa, raiba garandi bin riba di Judá ku Jerusalen.

19Deus manda anunsiaduris pa e anunsia si palabra kontra elis, pa avisaKap 36.15-16; Ne 9.26; Jer 44.4-5 elis pa e riba pa SIÑOR, ma nin ku ’sin, e nega obi.

20Spiritu di Deus bin riba di Zakarias, fiju di saserdoti Jeoiada; i firma na un kau altu dianti di pobu, i fala elis: “Deus na punta bos pabia di ke ku bo kebra mandamentus di SIÑOR. Kusas ka na kuri bos diritu. Suma ku bo bandona SIÑOR, asin tambi ki na bandona bos.”

21E bin filanta kontra el; rei da ordi; e bai matal ku pedrasLuk 11.49-51; At 7.58-59 na kintal di kasa di SIÑOR.

22Asin rei Joás ka lembra mas di bondadi ku pape di Zakarias fasil, ma i mata si fiju. Oca ku kila na muri, i fala: “SIÑOR na oja es tudu, i na pidi konta del.”

Deus kastiga Joás

23I pasa un anu, tropas di Siria bin kontra Joás, e yentra na Judá ku Jerusalen, e mata tudu ŝefis di pobu, e toma rikesa, e mandal pa se rei na Damasku.

24Tropas di Siria e kaLei 32.30 ciu ba, ma mesmu asin, SIÑOR pui elis pa e ngaña vitoria riba di tropas di Judá, ku seduba ciu, pabia Judá bandona SIÑOR, Deus di se papes. Asin Deus manda kastigu kontra Joás.

25Tropas di Siria molostal risu, e fikal, e bai. Si ŝefis filanta kontra el, manera ki mata fiju di saserdoti Jeoiada; e bai matal na si kama. Asin ki muri; e nteral na prasa di Davi, ma e ka pulKap 21.20; 28.27 na simiteriu di reis.

26Kilis ku filanta kontra el e seduba Zabad, fiju di minjer amonita comadu Simiat, ku Jeozabad, fiju di minjer moabita comadu Sinrit.

27Apontamentus di Libru di Reis i tene storia di si fijus, ku anunsius ku dadu kontra el, ku relatoriu di reparason ki fasi di kasa di Deus. Si fiju Amazias toma si lugar na renansa.