1SIÑOR Deus pun pa N oja utru vison. N oja la un sestu di fruta kusidu.
2I puntan: “Amos, ke ku bu na oja?”
N fala: “Un sestu di fruta kusidu.”
SIÑOR falan: “Kabantada ciga riba di ña pobu Israel. Disna di aos N ka na torna mainaKap 7.8; Ez 7.2-3 kastiga elis.
3Na ki dia kantigas na templu na bida cur. I na ten manga di difuntu na tudu kau. Jinti na bota elis fora bokaKap 6.9-10 kaladu.”
4Bo obi es, abos ku ta masa kilis ku ten falta, bo ta kaba ku koitadis di tera.
5Bo ta fala na sintidu: “No ten dipresa pa lua nobu pasa pa no pudi bindi no miju. Si dia di diskansu kabaNe 13.15-19 son, no na yabri fera di trigu. No na usa midida mas pikininu, no na aumenta pres ku jinti na paga, no ngana jinti ku balansu falsu.
6Tambi no na bindi kaska di trigu; no na kumpra koitadisKap 2.6 ku diñeru, no kumpra kilis ku ten falta pa un par di sapatu.”
7SIÑOR jurmenta pa gloria di Jakó: “N ka na diskisiOs 8.13; 9.9 di nin un di kusas ke fasi.
8Pabia des, mundu na tirmi; tudu kilis ku mora nel naKap 9.5 cora. Tera na lanta, i turmenta, i baŝa, suma riu Nilu la na Ejitu.
9Na ki dia N na pui sol pa i kaiJo 5.14; Is 13.10; Jer 15.9 me-dia; tera na fika sukuru na tempu ki dibi di fika klaru.” Asin ku SIÑOR fala.
10“N na pui bo festivalis ku tudu bo kantigas pa e bidaJer 6.26; Ez 7.18; Zak 12.10 cur; N na pui pa bo mara saku, bo rapa kabesa. N na fasil suma cur di uniku fiju; si kabantada na sedu dia di kasabi.”
11SIÑOR Deus fala: “Dias na ciga ku N na manda fomi na tera; i ka fomi di kumida nin sedi di yagu, ma di obiEz 7.26 palabras di SIÑOR.
12Jinti na yanda-yanda di saida di sol te na si kaida, di norti pa sul, e na kuri pa tudu parti pa buska palabra di SIÑOR, ma e ka na ojal.
13Na ki dia bajudas bonitu ku rapasis forti e na dismaja pabia di sedi.
14Kilis ku jurmenta pa idulu di Samaria, e fala: ‘Pa vida di bu deus, o Dan,’ o ‘Pa vida di deus diKap 5.5; 7.9 Berseba,’ elis e na kai, e ka na lanta mas.”
Who We AreWhat We EelieveWhat We Do
2025 by iamachristian.org,Inc All rights reserved.
