Ezekiel Introduson - Portuguese Creole Bible, Guinea-Bissau

IntrodusonEzekiel, ku comadu anunsiadur di katiberasku, i seduba saserdoti ku lebadu pa Babilonia na anu 597 aK, ku sugundu grupu di katibus, ku rei Joakin, onzi anu antis di kaida di Jerusalen. Deus ta papiaba ku el, i mostral manga di vison; si anunsius ta tomaba forma di senas, suma na kapitulus 4, 5 ku 12. La na Babilonia i ta kontaba mesmu kusa ku Jeremias na kontaba na Jerusalen, kuma Jerusalen na danadu, jinti na lebadu pa Babilonia pabia di se pekadu. Na kapitulus 25—32 i skirbi di kastigu di utru nasons.Notisia ciga kuma Jerusalen kai (33.21). Di la Ezekiel kumsa na konta aserka di manera ku Deus na torna kumpu Israel. Templu na kumpudu utru bias (kapitulus 40—48).