1Sortiadu i kilis ku tene vida retu,
ku ta yandaKap 1.1-2 konformi lei di SIÑOR.
2Sortiadu i kilis ku obdisi si nsinamentus,
e buskalLei 4.29 ku tudu se korson.
3E ka ta yara,
ma e ta yandaKap 128.1 na si kamiñus.
4Bu danu bu mandamentus,
pa no pudi sigil ku mpeñu.
5N misti yanda na kamiñu diritu
pa N pudi obdisi bu regras.
6Si N para sintidu na bu mandamentus,
N ka na pasa1 Jon 2.28 borgoña.
7N na ngabau ku korson retu
ora ku N bin sibi bu leis justu.
8N na sigi bu regras;
nunka ka bu bandonan.
Bet9Kuma ku un joven pudi guarda si vida puru?
I son ora ki na vivi konformi bu palabra.
10N buskau ku tudu2 Kron 15.15 ña korson;
ka bu disan disvia di bu mandamentus.
11N rakada bu palabraLei 6.6; Luk 2.19,51; Dit 2.1; 7.1; 1 Jon 2.14 na ña korson
pa N ka peka kontra bo.
12Bu mersi ngabadu, SIÑOR;
nsinanKap 25.4 bu regras.
13N ta ripiti ku vos altu tudu leis ku bu da.
14N mas kontenti pa sigi bu nsinamentus
di ki N tene manga di rikesa.
15N na pensaKap 119.23,27; Kap 1.2 diritu na bu ordis;
N na pui sintidu na bu kamiñu.
16N ta sinti sabi ku bu regras;
N ka na diskisi di bu palabra.
Gimel17Fasi ben pa bu servu,
pa N pudi vivi, N obdisi bu palabra.
18Yabri ña uju pa N pudi oja
kusas di dimira na bu lei.
19N sedu ospriKum 47.9; 1 Kron 29.15; 2 Kor 5.6-8; Eb 11.13 na mundu;
ka bu sukundin bu mandamentus.
20Ña korson na yardi ku diseẑu
di tene bu lei tudu ora.
21Bu ta raprindi orgulyosu risu;
kilis ku ta disvia di bu mandamentus e maldisuadu.
22Pui jinti para koban mal ku disprezu,
pabia N sigi bu nsinamentus.
23Ŝefis ta sinta, e fasi mau planus kontra mi,
ma bu servu ta pensa dirituKap 119.15 na bu regras.
24Bu nsinamentus i sabi pa mi;
e sedu ña konsijaduris.
Dalet25N batidu na reia;
arnobaKap 143.11 ña vida konformi bu palabra.
26N dau pasada kuma ku N yanda; bu kudin.
NsinanKap 27.11 bu regras.
27Pun pa N pudi ntindi bu ordis;
asin N ta pensa diritu na kusas garandi ku bu fasi.
28N sta kansadu ku tristesa;
fortifikan konformi bu palabra.
29Libran di kamiñuDit 30.8 di nganu;
na bu bondadi nsinan bu lei.
30N kuji kamiñu di bardadi,
N pui sintidu pa sigi bu leis.
31N pega na bu nsinamentus;
ka bu disan pa N pasa borgoña, SIÑOR.
32N na kuri na kamiñu di bu mandamentus
ora ku bu burin ntindimentu.
Hê33O SIÑOR, nsinan sintidu di bu regras;
asin N na guarda elis te naMat 10.22 kabantada.
34Dan ntindimentu, N ta obdisi bu lei,
N kumpril ku tudu ña korson.
35Judan yanda na kamiñu di bu mandamentus,
pabia N ta sinti sabi nel.
36Pui ña korson pa i oja pa bu nsinamentus,
pa i ka oja paSai 20.17; Luk 12.15; Eb 13.5 kubisa.
37Ka bu disa ña ujuJo 31.1; Is 33.15 jubi-jubi kusa ku ka bali;
arnoba ña vida konformi bu palabra.
38Kumpri bu purmesa2 Sam 7.25 pa mi, bu servu
ku sta pruntu pa rispitau.
39Disvian di ki koba mal ku N medi,
pabia bu leis i bon.
40N dija obi bu ordis;
arnoban na bu retidon.
Vau41Bu bondadi pa i bin riba di mi, SIÑOR;
salban, konformi bu palabra;
42asin N ta sibi ruspundi kilis ku na koban mal,
pabia N fiansa na bu palabra.
43Ka bu tira palabra di bardadi na ña boka,
pabia N pui ña speransa na bu leis.
44Asin N na obdisi bu lei,
tudu ora pa sempri.
45N na yanda naJon 8.32,36; Rom 6.12-14; 1 Kor 7.22-23; Gal 5.1,13; 1 Ped 2.16 liberdadi,
pabia N pui sintidu na bu ordis.
46N na papia di bu nsinamentus diantiMat 10.18; At 26.1-2 di reis;
N ka na burguñu.
47Bu mandamentus i sabi pa mi;
N gosta ciu delis.
48N na lantanda mon pa risibi
bu mandamentus ku N gosta del;
N na pensa ciu na bu regras.
Zayin49Lembra di palabra ku bu da bu servu,
pabia bu fasin pa N ten speransa nel.
50Na ña sufrimentu, kil ku ta konsolanRom 15.4 i es:
kuma bu palabra i ta arnoba ña vida.
51Jinti orgulyosu e fasin trosaJer 20.7; Mat 27.29 ciu,
ma nin ku ’sin, N ka disvia di bu lei.
52O SIÑOR, N lembra di bu leis antigu,
N sinti fortifikadu.
53Raiba forti toma konta di mi
pabia di jinti mau ku bandona bu lei.
54Bu regras e sedu ña kantigas
na tudu kau ku N mora.
55N lembra di bu nomi durantiKap 63.6 noti, o SIÑOR;
N obdisi bu lei.
56Asin ku ña vida sta;
N ta obdisi bu mandamentus.
Et57Abo i ñaKap 16.5; 142.5; Num 18.20; Mis 3.24 kiñon, o SIÑOR;
N da purmesa pa kumpri bu palabras.
58N buska bu fabur ku tudu ña korson;
sinti pena di mi, konformi bu palabra.
59N pensaMis 3.40; Luk 15.17-18 na manera ku N na yanda,
N riba pa bu nsinamentus.
60N janti, N ka tarda,
pa obdisi bu mandamentus.
61Grupus di bandidus maran ku kordas,
ma N ka diskisi di bu lei.
62Me-notiAt 16.25 N ta lanta pa gardisiu
pabia di bu leis justu.
63N sedu kumpañer di tudu kilis ku rispitau;
ku ta sigi bu ordis.
64O SIÑOR, mundu inci ku bu bondadi;
nsinan bu regras.
Tet65Bu fasi ben pa bu servu, SIÑOR,
konformi bu palabra.
66Dan bon juisu ku kuñisimentu,
pabia N fia na bu mandamentus.
67Antis di N kastigadu, N ta yandaba mal,
ma gosiJer 31.18; Eb 12.11 N ta obdisi bu palabra.
68Abo i bon, bu ta fasi ben;
nsinan bu regras.
69Jinti orgulyosu susan kuJer 13.4 mintida,
ma ami, N guarda bu ordis ku tudu ña korson.
70Se korson torna duru; e ka ta sinti;
ma ami, bu lei i sabi pa mi.
71I bon manera ku N kastigadu,
pa N pudi nsina bu regras.
72Lei ku sai na bu boka i mas minjor pa mi
di ki milyaris di muedaKap 119.127; 19.9-10; Dit 8.10 di uru o di prata.
Jod73Bu monKap 100.3; 139.14; Jo 10.8 kumpun, i fasin ke ku N sedu;
dan ntindimentu pa N pudi sibi bu mandamentus.
74Kilis ku rispitau e fika kontenti oca ke ojan,
pabia N ten speransa na bu palabra.
75O SIÑOR, N sibi diritu kuma bu leis i justu.
bu kastiganEb 12.10 pabia bu sedu fiel.
76Bu bondadi pa i bin konsolan,
konformi palabra ku bu da bu servu.
77Manda bu bondadi riba di mi, pa N pudi tene vida,
pabia bu lei i sabi pa mi.
78Pui jinti orgulyosu pa e pasaKap 25.3 borgoña,
pabia e fasin mal, sin roson;
ma ami, N na pensa na bu ordis.
79Kilis ku rispitau, pa e riba pa mi,
ku kilis ku kunsi bu nsinamentus.
80N misti obdisi bu ordis ku korson retu,
pa N ka bin pasa borgoña.
Kaf81N dismaja manera ku N na faima pa buKap 84.2 salbason,
ma N pui ña fiansa na bu palabra.
82Ña ujuKap 119.123; 69.3 sta fraku manera ku N na pera bu purmesa;
N ta punta: “Kal dia ku bu na konsolan?”
83Nin ku N sedu suma saku di kuru ku paña fumu,
N ka na diskisi di bu regras.
84Kantu tempu ku bu servu ten ku pera?
Kal diaApok 6.10 ku bu na kastiga kilis ku na pirsigin?
85Jinti orgulyosu yabri kobaKap 35.7 pa mi,
ku ka sta konformi bu lei.
86Tudu bu mandamentus i di fiansa.
Inimigus na pirsigin ku mintida; judan!
87Kuas e kaba ku ña vida na mundu,
ma ami, N ka disa bu ordis.
88Dan vida, konformi bu bondadi;
N ta sigi bu palabras di nsinamentu.
Lâmed89O SIÑOR, bu palabra sta firmadu
na seuMat 24.34-35 pa sempri.
90Abo i fiel pa tudu manjuandadi;
bu kumpu mundu firmi pa sempri.
91Tudu manti te aosJer 33.25 konformi ordis ku bu da,
pabia tudu kusas ta obdisiu.
92Si bu lei ka sabiba pa mi,
N ta pirdiba na ña sufrimentu.
93Nunka N ka na diskisi di bu ordis,
pabia ku elis bu dan vida.
94Salban; ami i di bo,
pabia N buska obdisi bu ordis.
95Jinti mau na pera pa kaba ku mi,
ma N na pui sintidu na bu nsinamentus.
96N oja kuma tudu kusa, nin si i pirfitu, i ten si limiti,
ma bu mandamentuMat 5.18; 24.35 ka ten limiti.
Mem97N gosta ciu di bu lei;
N ta pensaKap 1.2; Jos 1.8 nel tudu ora.
98Bu mandamentus sta sempri ku mi,
e ta fasin mas jiruLei 4.6-8; 2 Tim 3.15 di ki ña inimigus.
99N ten mas ntindimentu di ki tudu ña pursoris,
pabia N ta pensa ciu na bu nsinamentus.
100N sedu mas jiruJo 28.28; 32.7 di ki jinti di idadi,
pabia N obdisi bu ordis.
101N disvia ña peDit 1.15 di tudu kamiñu mau,
pa N pudi obdisi bu palabra.
102N ka lunjusi di bu leis,
pabia i abo propi ku nsinan.
103Bu palabra sabi dimas na ña boka,
i mas melaKap 19.10 di ki mel.
104N ngaña ntindimentu pabia di bu mandamentus;
e ku manda N nuju tudu kamiñu di mintida.
Nun105Bu palabra i lampada pa ña pe,
i lusDit 6.23 pa ña kamiñu.
106N jurmenta, N konfirmaNe 10.29 kuma
N ten ku obdisi bu leis justu.
107N na sufri ciu;
arnoba ña vida, SIÑOR, konformi bu palabra.
108O SIÑOR, seta ofertas voluntariu di ñaOs 14.2; Eb 13.15 boka;
nsinan bu leis.
109Kontudu ña vida sta na pirigu tudu ora,
N ka ta diskisi di bu lei.
110Jinti mau pui armadilia pa mi,
ma N ka disvia di bu ordis.
111N toma bu nsinamentus suma yardansaLei 33.4 pa sempri,
pabia e sedu kontentamentu di ña korson.
112N pui sintidu pa obdisi bu ordi,
pa sempri, te na kabantada.
Sâmek113N ka ta kontenti ku jinti di dusTia 1.8 sintidu,
ma N gosta di bu lei.
114Abo i ña kau suguruKap 32.7; 91.1 ku ña tajadera;
N pui ña speransa na bu palabra.
115Bo lunjusiKap 6.8; 139.19; Mat 7.23 di mi, abos ku ta fasi mal,
pa N pudi obdisi mandamentus di ña Deus.
116Suguran, konformi bu purmesa, pa N pudi tene vida;
ka bu maina ñaRom 5.5; 9.33 speransa.
117Nguentan, pa N seduJon 10.28 salbu;
asin N na pui sintidu sempri na bu ordis.
118Bu ta nega tudu jinti ku ta disvia di bu regras,
pabia se planus di nganu ka bali.
119Tudu jinti mau di mundu, bu ta bota elis suma liŝu;
e ku manda N gosta di bu nsinamentus.
120Ña kurpu na tirmiAb 3.16 ku medu di bo;
N ten medu ku rispitu pa bu leis.
Ayin121N fasi kusas justu i retu;
ka bu ntregan na mon di ña kalkaduris.
122Sedu fiadurEb 7.22 di bu servu pa ben di si vida;
ka bu disa jinti orgulyosu kalkan.
123Ña ujuKap 119.82 sta fraku, manera ku N na pera bu salbason
ku bu purmesa justu.
124Trata bu servu konformi bu bondadi,
bu nsinan bu regras.
125N sedu bu servu; dan jiresa
pa N ntindi bu nsinamentus.
126O SIÑOR, i tempu pa bu toma midida;
jinti na kebra bu lei.
127N gosta di bu mandamentus mas di kiKap 119.72 uru,
te uru mas puru.
128E ku manda N sibi kuma tudu bu ordis i retu;
tambi N nuju tudu kamiñu falsu.
Pê129Bu nsinamentus i di dimira;
pabia di kila, N ta obdisi elis.
130Splikason di bu palabra ta da lus,
i ta da ntindimentuKap 19.7; Dit 1.4; 2 Ped 1.19 pa kilis ku ka nsinadu.
131N yabri ña boka, N da folgu kinti-kinti,
pabia N dija bu mandamentus.
132Vira pa mi, bu ten pena di mi,
suma ku bu kustuma ta fasi ku kilis ku ama bu nomi.
133Gia ña pasu konformi bu palabra;
ka bu disa nin un pekaduRom 6.12 manda na mi.
134LibranLuk 1.74 di jinti ku ta kalka;
asin N ta kumpri bu ordis.
135Pui bu rostu pa i numiaKap 4.6 bu servu,
bu nsinan bu regras.
136Ña larmasJer 9.1; 14.17; Ez 9.4 na kuri suma rius,
pabia jinti ka obdisi bu lei.
Tsadê137Abo iEsd 9.15; Ne 9.33; Jer 12.1; Dan 9.7 justu, o SIÑOR;
bu leis i retu.
138Nsinamentus ku ordis ku bu da
e sedu retu, i di fiansa.
139Ña raiba na yardi na mi,
pabia ña inimigus ka ta mporta ku bu palabra.
140Bu palabra i puru, i di fiansa;
e ku manda bu servu gosta del.
141Ami i ka ningin, N disprezadu,
ma N ka ta diskisi di bu mandamentus.
142Bu retidon ka na kaba;
bu leiKap 119.151,160; Jon 17.17; Ef 1.13 i bardadi.
143Fadiga ku sufrimentu toma konta di mi,
ma bu mandamentus i sabi pa mi.
144Bu nsinamentus i justu sempri;
dan ntindimentu pa N tene vida.
Kof145N na comau ku tudu korson;
sukutan, SIÑOR; N ta obdisi bu regras.
146N na comau; salban;
N ta sigi bu nsinamentus.
147N ta lanta antis di sol mansi, N comau pa sakur;
N pui ña speransa na bu palabra.
148Ña uju ta fika abertuKap 63.1,6 tudu noti
pa N pensa diritu na bu palabra.
149Obi ña vos, konformi bu bondadi;
O SIÑOR, arnoba ña vida, konformi bu lei.
150Kilis ku ta yanda na maldadi e na ciga pertu;
ma e sta lunju di bu lei.
151O SIÑOR, bu staKap 145.18 pertu;
tudu bu mandamentus i bardadi.
152Aserka di bu nsinamentus, N sibi, disna di tempu antigu,
kuma bu firmantaMat 24.35 elis pa sempri.
Reŝ153Jubi pa ña sufrimentu, bu libran,
pabia N ka diskisi di bu lei.
154Difindi ña kasu, bu libran;
arnoba ña vida konformi bu palabra.
155Salbason sta lunju di jinti mau,
pabia e ka ta buska manera di kumpri bu regras.
156O SIÑOR, bu bondadi i garandi;
arnoba ña vida konformi bu leis.
157N tene manga di pirsigidur ku inimigu,
ma N ka ta disvia di bu nsinamentus.
158N oja ki jinti ku kebra lei, N fika ku kasabi,
pabia e ka ta obdisi bu palabra.
159Jubi kuma ku N gosta di bu ordis, SIÑOR;
arnoba ña vida konformi bu bondadi.
160Bu palabra i di bardadiKap 119.142,151 disna di kumsada;
kada un di bu leis justu i pa sempri.
Ŝin161Ŝefis ta pirsigin1 Sam 24.11; 26.18 sin roson,
ma ña korson ta rispita bu palabra.
162N kontenti ku bu palabra,
suma algin ku ta oja garandi rikesa.
163N nuju mintida, N ten odiu del,
ma N gosta di bu lei.
164Seti bias kada dia N ta ngabau
pa justisa di bu leis.
165Kilis ku gosta di bu lei e ten garandiIs 32.17 pas;
nada ka pudi pui elis pa e da tapada.
166O SIÑOR, N na peraKap 49.18 pa bu salban;
N ta kumpri bu mandamentus.
167N obdisi bu nsinamentus
pabia N gosta ciu delis.
168N obdisi bu ordis ku bu nsinamentus,
pabia bu kunsiKap 139; Jo 31.4; Dit 5.21 tudu ña kamiñus.
Tau169Disa ña vos ciga nunde bo, SIÑOR;
dan ntindimentu konformi bu palabra.
170Disa ña rogu ciga bu dianti;
libran konformi bu palabra.
171Inci ña boka ku palabras pa ngabau,
pabia bu nsinan bu regras.
172Ña lingua na kanta aserka di bu palabra,
pabia tudu bu mandamentus e sedu justu.
173Sakuran sempri ku bu mon,
pabia N kujiJos 24.22; Luk 10.42 bu ordis.
174O SIÑOR, N faima pa bu salbason;
bu lei i kusa sabi dimas pa mi.
175Disan ku vida pa N ngabau;
pui bu leis pa e judan.
176N na yanda-yandaIs 53.6; Ez 34.6; Mat 18.11-14; 1 Ped 2.25 suma karnel ku pirdi;
bin bu buska bu servu,
pabia N ka diskisi di bu mandamentus.
Who We AreWhat We EelieveWhat We Do
2025 by iamachristian.org,Inc All rights reserved.
