Salmus 91 - Portuguese Creole Bible, Guinea-Bissau

1Kil ku mora na kau suguru di Deus ku sta riba di tudu,

i ta diskansa na sombra di kil ku ten tudu puder.

2N na fala di SIÑOR: “El i ña Deus,

ña kau suguru, ña lugar forti;

N na fiansa nel.”

3I na librau di armadiliaKap 124.7 di kil ku misti pañau,

ku duensa ku ta mata.

4I na kubriuKap 57.1 ku si asas;

bas di si penas bu na sta suguru;

si bardadi i sedu tajadera ku ta guardau.

5Ka bu medi kusa ku ta pantanda di noti,

nin fleŝa ku ta bua di dia,

6nin duensa ku ta laga na sukuru,

nin mortundadi ku ta dana di dia wan.

7Mil na kai na bu ladu,

des mil na bu direita,

ma i ka na yangasau.

8Son ku bu uju bu na jubi;

bu na oja kastigu di jinti mau.

9Bu fala kuma SIÑOR i bu kau suguru.

Suma ku bu fasi Deus ku sta riba di tudu

pa i sedu bu kau di mora,

10nin un mal ka na ojau,

nin praga ka na ciga na bu morada.

11I na da si anjusKap 34.7; Mat 4.6; Eb 1.14 ordi aserka di bo,

pa e guardau na tudu kau ku bu na bai.

12E na nguentau na se mon,

pa ka bu pe maja na nin un pedra.

13Bu na masa lion ku kobra;

ku bu pe bu na kalka lion forti ku serpenti.

14SIÑOR fala: “Suma ki aman ciu, ami N na libral;

N na pul na un kau altu suguru,

pabia i rikuñisi ña nomi.

15I na coman, N na kudil.

N na sta ku elKap 50.15; Is 58.9 na foronta,

N na libral, N dal rispitu dianti di jinti.

16N na fartandal ku vida kumpridu,

N mostral ña salbason.”