Tiagu 4 - Portuguese Creole Bible, Guinea-Bissau

Deus gosta di kilis ku ta baŝa se kabesa

1Ki geras ku jus na bo metadi, nunde ke sai nel? Nta e ka bin di diseẑusRom 7.23 ku bo ten ku na luta dentru di bos?

2Bo ta kubisa; bo ka tene nada. Bo ta mata, bo ta nveẑa; nada bo ka ta yangasa. Bo ta luta, bo ta geria; nada bo ka ta tene pabia bo ka ta pidi.

3Si bo pidi, bo ka ta risibi, pabia bo ta pidi mal, son pa bo gasta na bo vontadi.

4Abos jinti ku ka fiel pa Deus, bo ka sibi kuma amisadi ku munduRom 12.2; Gal 1.10; 1 Jon 2.15-16 i inimisadi ku Deus? Asin, kil ku misti sedu amigu di mundu i ta bida inimigu di Deus.

5Bo kuda kuma Skritura fala amonton kuma, spiritu ku Deus pui na nos i kumboseru?

6Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsaSal 138.6; Dit 3.34; Luk 18.14; 1 Ped 5.5 se kabesa, ma i ta mostra fabur pa kilis ku ta baŝa se kabesa.”

7Asin, bo baŝa pa Deus; bo firmaEf 4.27; 6.11; 1 Ped 5.9 kontra diabu; i ta kuri di bos.

8Bo ciga pertu2 Kron 15.2; Is 1.16; 1 Ped 1.22; 1 Jon 3.3 di Deus; i ta ciga pa bos. Bo limpa bo mon, abos ku ta fasi pekadu; abos di dus sintidu, bo purifika bo korson.

9Bo sinti tristi, bo miskiña, boMat 5.4 cora. Bo grasa pa i bida cur; bo alegria pa i bida tristesa.

10Bo baŝaMat 23.12 dianti di Siñor; el i ta lantanda bos.

Ka bo kritika ŋutru

11Ermons, ka bo fala malRom 2.1; 1 Kor 4.5; 1 Ped 2.1 di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

12I ten un son ku ta da lei; i el ki juis. I el ku pudi salba, i pudi dana. Abo i kinRom 14.4 ku na kritika bu kumpañer?

Avisu kontra njatamentu

13Agora bo sukuta, abos ku ta fala asin: “Aos o amañaDit 27.1; Luk 12.18-20 no na bai pa tal prasa; no na fika la un anu pa no nogosia, pa no ngaña.”

14Ma nin bo ka sibi ke ku na sedu amaña. Ke ki bo vida? Bo sedu suma un fumuJo 7.7; 1 Ped 1.24 ku lanta; un bokadu i ta pirdi.

15Kusa ku bo dibi di fala i asin: “Si DeusAt 18.21 kiri, i danu vida, no ta fasi ’sin ku ’sin.”

16Ma abos bo ta njata na bo fiansa. Tudu njatamentu de koldadi i mau.

17Kil ku sibiLuk 12.47; Jon 9.41; 15.22; Rom 1.32; 2.17-23 fasi ben, i ka fasil, i na fasi pekadu.