Apokalipsi 16 - Portuguese Creole Bible, Guinea-Bissau

Tiẑelas di raiba di Deus

1N obi un vos forti ku sai di lugar sagradu, ku fala ki setiKap 15.1,6-7 anju: “Bo bai, bo darma na tera ki seti tiẑela di raiba di Deus.”

2Purmeru anju bai, i darma si tiẑela riba di tera. CagaSai 9.9-10 meduñu, fedi, pega ki jinti ku teneba sinal di besta, ku ta adora si imaẑen.

3Sugundu anju darma si tiẑela na mar. Mar bida suma sangiKap 8.8-9 di difuntu. Tudu kusa bibu ku sta na mar muri.

4Terseru anju darma si tiẑela na riusKap 8.10; Sai 7.17,20 ku fontis di yagu; e bida sangi.

5N obi anju ku ten konta di yagu fala:

“Justu i abo, SiñorKap 4.8; 11.17 santu,

ku sedu, ku seduba,

suma ku bu julga e kusas.

6Suma ke darma sangi di bu pobu ku di anunsiaduris,

bu da elis tambiKap 11.18; Is 49.26 sangi pa e bibi.

I justa elis propi!”

7N obi un vos ku sai di altar, i fala:

“Na bardadi, Siñor Deus ku ten tudu puder,

bu julgamentuKap 15.3; 19.2 i justu, i di bardadi.”

8Kuartu anju darma si tiẑela riba diKap 8.12 sol. I disadu pa i kema jinti ku fugu.

9E kemadu ku ki garandi kalur. E fala malKap 16.11,21; Kap 9.20; 2 Kron 28.22; Is 8.21 di nomi di Deus ku ten puder di manda ki kastigus. E ka ripindi, nin e ka dal gloria.

10Kintu anju darma si tiẑela riba di tronuKap 13.2 di besta. Si renu bida sukuruKap 9.2 meduñu. Jinti na murdiba se linguas ku dur.

11E na fala malKap 16.9 di Deus di seu pabia di se dur ku se cagas, ma e ka ripindi di kusas ke na fasi.

12Sestu anju darma si tiẑela riba di garandi riuKap 9.14 Eufrates. Yagu di riu seku pa ranja kamiñu pa reis ku sta na ladu di nasenti di sol.

13N oja tris spiritu mau ku parsi sapu ku na sai na boka di dragon,Kap 12.3,9; 19.20; 20.10 di besta ku di anunsiadur falsu.

14Esis i spiritus di dimonius ku ta fasiKap 13.13; 19.19-20; 20.8; Mat 24.24 milagri, ku na bai kontra ku reis di tudu mundu, pa junta elis pa gera na ki garandi dia di Deus di tudu puder.

15“Bo jubi, ami N na bin sumaKap 3.3; Mat 24.43 ladron. Sortiadu i kil ku ka durmi, ku rakada si ropa pa ka i yanda nun, pa si borgoña ka ojadu.”

16Asin ki spiritus junta reis na un lugar ku comadu Armajedon na lingua di ebreus.

17Setimu anju darma si tiẑela na ar. Un vos forti sai di tronu na templu, i fala: “I fasidu ja!”

18I bin relampagu ku turmentaKap 4.5; 6.12; 8.5; 11.13,19 di turbada. Tera tirmi tambi ku forsa na un manera ku nunka i ka tirmi forti asin disna ku jinti ten na mundu. Koldadi ki tirmidura i meduñu dimas.

19Ki prasa garandiKap 14.8,10; 17.18 findidu na tris parti. Utru prasas di mundu kai. Deus lembra di garandi Babilonia, pa dal kopu di biñu forti di si raiba pa i bibi.

20Tudu jiusKap 6.14 pirdi; montis pajiga.

21Garandi cuba diKap 11.19; Sai 9.23-25 saraiva kai di seu riba di jinti. Ki pedras di jelu ta pesaba sinkuenta kilu. Jinti na fala malKap 16.9 kontra Deus pabia di ki kastigu di saraiva, pabia si kastigu seduba garandi dimas.